الەمدەگى ەڭ كوپ ىزدەستىرىلگەن قىلمىسكەر قولعا ءتۇستى
نۇر-سۇلتان. قازاقپارات - موزامبيكتە (شىعىس افريكا) برازيليادان كەلگەن ايگىلى ەسىرتكى يەسى، 1998 -جىلى تۇرمەدەن قاشىپ كەتكەن جيلبەرتو اپارەسيدو دۋش سانتۋش ۇستالدى.
وسى جىلدار ىشىندە ول الەمدەگى ەڭ كوپ ىزدەستىرىلگەن قىلمىسكەرلەر تىزىمىندە بولدى.
قىلمىسكەر سەيسەنبى كۇنى 14- ساۋىردە ۇستالدى. ۆەدومستۆونىڭ حابارلاۋىنشا، سانتۋشتى برازيليانىڭ فەدەرالدى پوليسياسى، ادىلەت مينيسترلىگى جانە موزامبيك پوليسياسى تۇتقىندادى.
1998 -جىلى ول قىلمىستىق توپتارعا قاتىسقانى جانە كوكاين ساتقانى ءۇشىن سوتتالعاندىعى، ءبىراق تۇرمەدەن قاشقانى ايتىلعان. قىلمىسكەردىڭ « ءبىرىنشى استانالىق كوماندا» قىلمىستىق توبىنىڭ قۇرامىندا كوكاين ەسىرتكى ساتۋمەن اينالىسقانى بەلگىلى. قۇقىق قورعاۋ ورگاندارى سونىمەن بىرگە توپتىڭ تاعى ءبىر جەتەكشىسى ماركولا لاقاپ اتىمەن تانىلعان ەر ادام تۇرمەدەن قاشۋدى جوسپارلادى دەپ كۇدىكتەنەدى.
«ءبىرىنشى استانالىق كوماندا» - 1993 -جىلى سان- پاۋلۋ قالاسىندا قۇرىلعان قىلمىستىق توپ. قازىرگى ۋاقىتتا بۇل 13 مىڭ مۇشەدەن تۇراتىن برازيلياداعى ەڭ ءىرى قىلمىستىق ۇيىم. ەسىرتكى ساۋداسىمەن جانە توناۋمەن اينالىسادى.
