الماتىلىق دارىگەرلەردىڭ ۆيرۋستى قايدان جۇقتىرۋى مۇمكىن ەكەنى ايتىلدى
بۇل تۋرالى قالالىق قوعامدىق دەنساۋلىق ساقتاۋ باسقارماسىنىڭ باسشىسى تىلەۋحان ابىلدايەۆ ونلاين بريفينگ بارىسىندا ايتتى، دەپ حابارلايدى قازاقپارات ءتىلشىسى.
«بارلىق بايلانىستا بولعان ادامدارعا دياگنوزدارىن انىقتاۋ بويىنشا جۇمىستار جۇرگىزىلۋدە. ۆيرۋستى ولار پاتسيەنتتەردەن دە جۇقتىرۋى مۇمكىن، ويتكەنى ولار شۇعىل مەديتسينالىق كومەك كورسەتۋدى جالعاستىرىپ وتىردى. ولاردىڭ ىشىندە اۋرۋ بەلگىلەرى بىلىنبەيتىن پاتسيەنتتەر دە بولۋى مۇمكىن»، - دەدى تىلەۋحان ابىلدايەۆ.
ونىڭ ايتۋىنشا، قازىرگى ۋاقىتتا اتالعان فاكتى بويىنشا ەپيدەميولوگيالىق تەكسەرۋ جۇرگىزىلىپ جاتىر. سونىمەن قاتار، مەديتسينا قىزمەتكەرلەرىن تەكسەرىپ-قاراۋ بويىنشا بارلىق شارالار قولدانىلىپ جاتىر. بارلىق قالالىق كلينيكالاردىڭ ىشىندە قىزمەتكەرلەردى كوروناۆيرۋسقا مىندەتتى تۇردە تەكسەرىپ- قاراۋمەن ەپيدەمياعا قارسى ءىس-شارالار كۇشەيتىلدى.
ايتا كەتۋ كەرەك، الماتىدا 116 دارىگەر كوروناۆيرۋس جۇقتىرعانىن مۇنىڭ الدىندا جازعان بولاتىنبىز.
اۆتور: گۇلميرا عوسمانالي
