عالىمدار پلاستيك بوتەلكەنى بىرنەشە ساعاتتا وڭدەپ شىعاراتىن فەرمەنت جاسادى
نۇر-سۇلتان. قازاقپارات - عالىمدار پلاستيك كوتەلكەلەردى بىرنەشە اعاتتىڭ ىشىندە قايتا پايدالانۋعا بولاتىنداي ەتىپ وڭدەپ شىعاراتىن باكتەريالدى فەرمەنت جاساپ شىعاردى، دەپ حابارلايدى The Gardian.
«فەرمەنت بوتەلكەلەردى حيميالىق بلوكتارعا وزگەرتەدى. كەيىن ونى جوعارى ساپالى جاڭا بوتەلكە جاساۋ ءۇشىن پايدالانۋعا بولادى. ال قازىرگى تاڭدا وڭدەلگەن پلاستيكتەر تەك كيىم نەمەسە كىلەم وندىرىسىندە پايدالانۋعا جارامدى»، - دەپ جازادى اۆتور.
باسىلىمنىڭ حابارلاۋىنشا، مۇنداي وڭدەۋ ءتاسىلى الداعى بەس جىلدا وندىرىستىك ماسشتابتا پايدالانىلاتىن بولادى.
«تاۋەلسىز ساراپشىلار جاڭا فەرمەنتتى ءىرى جەتىستىك دەپ اتادى. پلانەتانى ميللياردتاعان توننا پلاستيك قالدىعى لاستاپ جاتىر. ال جاڭا فەرمەنت تۋرالى ماتەريال Nature جۋرنالىندا جاريالاندى»، - دەپ جازىلعان ماقالادا.
اۆتورلار فەرمەنتتى وزگەرتىپ، مۋتاتسياعا ۇشىراتقان. وسىلايشا، ونىڭ پلاستيكتى ىدىراتۋ قابىلەتى جاقسارا تۇسكەن.
