تەمىرتاۋ دارىگەرلەرى «ناۋقاس» رەتىندە جۇگىنگەن ەلىمىزدىڭ باس سانيتارىن تانىماي قالدى
بۇل تۋرالى تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ كوميتەتىنىڭ ءتوراعاسى ليۋدميلا بيۋرابەكوۆا ءمالىم ەتتى، دەپ حابارلايدى قازاقپارات ءتىلشىسى.
«مەديتسينا قىزمەتكەرلەرىنىڭ ساقتىق دەڭگەيىنىڭ تومەن بولىپ جاتقانىن دا اتاپ ءوتۋ كەرەك. ماسەلەن بۇگىن مەملەكەتتىك باس سانيتارلىق دارىگەر ايجان سەرىكباي قىزى قاراعاندى وبلىسىنا بارعان كەزىندە تەمىرتاۋداعى ينفەكسيالىق ستاتسيونارعا پاتسيەنت رەتىندە كىرىپ شىققان. ونداعى قىزمەتكەرلەر اتالعان پاتسيەنتكە ابايلاپ تەكسەرۋ ءتارتىبىن ساقتاماعان. ونى جەكە قاۋىپسىزدىك قۇرالدارىمەن قامتاماسىز ەتپەي بۇكىل قابىلداۋ ءبولىمى ارقىلى دارىگەردىڭ قاراۋىنا اپارعان»، - دەدى ليۋدميلا بيۋرابەكوۆا و ك ق- دا ونلاين رەجيمدە وتكەن باسپا ءسوز ءماسليحاتىندا.
