كوروناۆيرۋسپەن كۇرەس: دارىگەرلەر جۇمىسقا قالاي جابدىقتالىپ كىرىسەتىنىن كورسەتتى

Сoronavirus2020 Telegram پاراقشاسىندا جاريالانعان روليكتە قازاقستاندىق دارىگەرلەر كوروناۆيرۋستان قورعانۋ ءۇشىن اۋىسىم الدىندا قانداي قورعانىش كيىمى مەن جابدىقتاردى كيىپ جۇمىسقا كىرىسەتىنىن كورسەتىلگەن.

كيىمدەردىڭ ءبارى دە ءبىر رەتتىك. دارىگەرلەر ەڭ الدىمەن ارنايى كومبينەزون كيەدى. وسىدان كەيىن بارىنشا قورعاپ تۇراتىن ماسكا كيىلەدى. ارتىنشا قورعانىش كوزىلدىرىگى تاعىلادى. ۆيرۋستان ساقتانۋ ءۇشىن سونىمەن قاتار ۇزىن باحيلا مەن رەزەڭكە ەتىك كيۋ كەرەك.

قولعا قورعاۋشى قولعاپ كيىلەدى. ەكيپيروۆكانىڭ ۋاقىتى شامامەن 5-7 مينۋتقا سوزىلادى.

ەسكە سالا كەتسەك بۇعان دەيىن ق ر دەنساۋلىق ساقتاۋ ءمينيسترى ەلجان ءبىرتانوۆ بۇكىل ەلىمىز بويىنشا كوروناۆيرۋسپەن كۇرەسىپ جۇرگەن 30 مىڭنان استام دارىگەر ۇستەمەاقى الاتىنىن حابارلاعان ەدى.

دەنساۋلىق ساقتاۋ سالاسىنداعى قىزمەتكەرلەردى قارجىلىق تۇرعىدا قولداۋدى ۇيىمداستىرىپ، قوسىمشا اقىنى ءبولىپ بەرۋ ماقساتىندا وبلىستارداعى جەرگىلىكتى اتقارۋشى ورگاندار ءتيىستى كوميسسيانى قۇردى.

ايتا كەتسەك بۇگىن تاڭەرتەڭگى جاعداي بويىنشا ەلىمىزدە كوروناۆيرۋس ىندەتىن جۇقتىرعان تاعى 15 ادام انىقتالىپ، جالپى 880 ناۋقاس تىركەلىپ وتىر.

اۆتور: ايان بەكەن ۇلى