22:03, 11 - ءساۋىر 2020 | GMT +6
مەملەكەت باسشىسى قىتايلىق ميللياردەر دجەك ماعا العىس ايتتى
نۇر-سۇلتان. قازاقپارات - قازاقستان پرەزيدەنتى قاسىم-جومارت توقايەۆ قىتاي ميللياردەرى دجەك ماعا العىس ايتتى، دەپ حابارلايدى قازاقپارات.
«الەمگە تانىمال بيزنەسمەن، حالقىمىزدىڭ نيەتتەس دوسى دجەك ما مىرزاعا ءبىزدىڭ ەلىمىزگە جىبەرگەن گۋمانيتارلىق كومەگى ءۇشىن شىنايى العىسىمدى ايتامىن. ول قازىرگى كۇردەلى كەزەڭدە ءبىر- ءبىرىمىزدى قولداۋدىڭ ماڭىزى زور ەكەنىن كورسەتتى. ءبارىمىز بۇل قيىندىقتى بىرگە ەڭسەرەمىز» دەلىنگەن قاسىم- جومارت توقايەۆتىڭ Twitter پاراقشاسىندا.
ەسكە سالا كەتەيىك، 10-ساۋىردە قازاقستاننىڭ قىتايداعى ەلشىلىگىنىڭ قولداۋىمەن شيجياجۋان قالاسىنان «دجەك ما» جانە «Alibaba» قورلارىنان مەديتسينالىق قورعانىس قۇرالدارى الماتى قالاسىنا جەتكىزىلگەن بولاتىن.
