تۇرىك مۋزىكانتى قازاقتىڭ حالىق ءانى «اعاجاي التايدى» شىرقادى
التاي توپىراعىندا ساقتالعان سازدى ساعىنىشقا تولى بۇل ءان قارا ورمان قازاقتىڭ شەرلى تاريحىنىڭ ايناسى، اسقارالى التايدان ايرىلىپ، قيماي كوشىپ باراجاتقان ەلدىڭ وكىنىشى، زارىنىڭ، التىن بەسىككە دەگەن ۇلى ماحابباتىنىڭ گيمنى. الپىس ەكى تامىرىڭدى يدىرەتىن وسىناۋ عاجايىپ ءاندى تۇرىك ازاماتىنىڭ ورىنداۋى ادامزات بەسىگى بولعان التايعا دەگەن، قازاق تاريحىنا دەگەن ۇلكەن قۇرمەت.
بۇل ءان، ⅩⅨعاسىردىڭ سوڭىندا ⅩⅩعاسىردىڭ باسىندا شىققان دەگەن مالىمەتتەر بار. ءاننىڭ شىعۋ تاريحى وتە ارىدا بولۋى دا مۇمكىن، ويتكەنى «اقتابان شۇبىرىندى، القاكول سۇلاما» تاريحي وقيعاسى كەزىندەگى قازاقتىڭ باسىنا تونگەن قاتەردى جىرلايدى. بۇل - كوپ بۇرمالاۋعا ۇشىراعان ءان، ءسوزى بىرنەشە رەت وزگەرگەن. سوڭعى كەزدەرى بۇل ءاننىڭ ءماتىنى ەڭ العاشقى نۇسقاسىمەن ايتىلىپ ءجۇر. ءاننىڭ نەگىزگى نۇسقاسى ءور التايدا تۋعان.
يرفان گيۋردال - تۇركيا مادەنيەت جانە تۋريزم مينيسترلىگى تۇركى الەمى مۋزىكا وركەسترىنىڭ جەتەكشىسى، تانىمال تۇركى مۋزىكاسىن زەرتتەۋشى، تۇركى مۋزىكاسى ورتالىعىنىڭ جەتەكشى قىزمەتكەرى.
ريزابەك نۇسىپبەك ۇلى
