كوشەدە سەبەپسىز جۇرگەن اقتوبەلىك بەس تاۋلىككە قامالدى
پوليتسيا قىزمەتكەرلەرى ەرىكتىلەرمەن بىرگە كوشەدە كارانتين ەرەجەسىنىڭ ساقتالۋىن باقىلاپ ءجۇر. ا ق ب ت ك «ت ج رەجيمىن بۇزۋ» بابى بويىنشا 62 ادام قامالدى. سونىمەن بىرگە 113 ادامعا ايىپپۇل سالىندى. كودەكستىڭ «ت ج جاعدايىندا قۇقىق ءتارتىبىن بۇزۋعا يتەرمەلەيتىن ءىس-ارەكەتتەر» بابى بويىنشا 25 قۇقىقبۇزۋشىلىق انىقتالدى. ونىڭ ىشىندە 14 ايىپپۇل سالىنىپ، 10 ادام قاماۋعا الىندى.
«ءوزى نۇر-اقتوبە ىقشام اۋدانىندا تۇرادى، ءبىراق قالانىڭ ورتالىق كوشەسىندە ءجۇر. پوليتسيا 44 جاستاعى ەر ادامدى توقتاتىپ، ق ر ا ق ب ت ك «ت ج رەجيمىن بۇزۋ» بابى بويىنشا 5 تاۋلىككە اكىمشىلىك قاماۋعا الدى. سونىمەن بىرگە وڭىردە ماس كۇيىندە كولىك جۇرگىزگەندەر انىقتالدى. اقتوبە وبلىسىندا 48 فاكتى تىركەلدى. جۇرگىزۋشى كۋالىگىنەن ايىرىلعان بەس ادام تاعى ماس كۇيىندە ۇستالدى. كەيبىرى جول- كولىك وقيعاسىنا سەبەپ بولدى. مىسالى، ءبىر اقتوبەلىك كولىك قۇرالىن الكوگولدىك ماساڭ كۇيدە جۇرگىزگەنى ءۇشىن ەكى جىلعا باس بوستاندىعىنان جانە ءومىر بويى جۇرگىزۋشى قۇقىعىنان ايىرىلىپ، سوتتالدى. تاعى بىرەۋى ەسىرتكى تۇتىنعان. ول دا 3 جىلعا باس بوستاندىعىنان ايىرىلدى»، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.
وبلىستىق پوليتسيا دەپارتامەنتى بيىلدان باستاپ كولىك قۇرالىن ماس كۇيىندە جۇرگىزگەنى ءۇشىن جاۋاپكەرشىلىكتى كۇشەيگەنىن ەسكە سالادى.
اۆتور: التىناي ساعىندىقوۆا
