قازاقستانعا قىتايلىق ميللياردەر مەديتسينالىق قورعانىس قۇرالدارىن جولدادى

الماتى. قازاقپارات – 10-ساۋىردە قازاقستاننىڭ قىتايداعى ەلشىلىگىنىڭ قولداۋىمەن شيجياجۋاڭ قالاسىنان (حەبەي پروۆينسياسى) «دجەك ما» جانە «Alibaba» قورلارىنان مەديتسينالىق قورعانىس قۇرالدارى الماتى قالاسىنا جەتكىزىلدى، دەپ حابارلايدى قازاقپارات ق ر س ءى م باسپا ءسوز قىزمەتىنە سىلتەمە جاساپ.

4,5 توننا گۋمانيتارلىق جۇكتىڭ ىشىندە 500 مىڭ ءتۇرلى مەديتسينالىق ماسكا، 5 مىڭ قورعانىش كوستيۋم، 50 مىڭ مەديتسينالىق قولعاپ، سونداي-اق الىستان انىقتايتىن تەرمومەترلەر بار.

سونىمەن قاتار، الداعى كۇندەرى اتالمىش قورلار قازاقستانعا СOVID-19 ۆيرۋسىن انىقتايتىن ەكسپرەسس تەستىلەردى جانە وكپەنى جاساندى جەلدەتۋ اپپاراتتارىن جىبەرۋدى جوسپارلاپ وتىر.