سەمەيدە قاشىقتان وقىتۋعا بارلىق مۇمكىندىكتەر جاسالىپ جاتىر

سەمەي. قازاقپارات - سەمەي قالاسىندا قاشىقتان وقىتۋ ءۇشىن وقۋشىلارعا روۋتەرلەر تاراتىلۋدا، دەپ حابارلايدى قازاقپارات ءتىلشىسى.

سەمەي قالاسىنىڭ مەكتەپتەرى قاشىقتان وقىتۋ قۇرالدارىمەن تولىق قامتىلعان. تەحنيكالىق قۇرىلعىلارى جوق وتباسىلار ءۇشىن ءبىلىم وردالارىنىڭ رەزەرۆىنەن 350 كومپيۋتەر مەن نوۋتبۋك بەرىلدى. سونداي-اق ءبىلىم ءبولىمى ساتىپ العان روۋتەرلەر دە تاراتىلىپ جاتىر.

«قاشىقتان وقۋ بالالاردى تارتىپكە ۇيرەتەدى. ءۇي تاپسىرماسىن ورىنداعان كەزدە اتا- انالارعا بالانىڭ قاسىندا وتىرۋدىڭ قاجەتى جوق. تەك تاپسىرمالاردى پورتالعا جۇكتەۋگە عانا كومەكتەسكەن ءجون. ال ءۇي تاپسىرماسىن بالا ءوزى جاساۋ كەرەك. ەگەر قانداي دا ءبىر سۇراقتار تۋىنداسا، مۇعالىمدەرگە حابارلاسۋعا بولادى. ساباق كەستەسى بەكىتىلمەگەندىكتەن ول تاپسىرمانى قاشان ورىندايتىنىن ءوزى شەشەدى»، - دەپ ءتۇسىندىردى قالالىق ءبىلىم ءبولىمىنىڭ باسشىسى ناتاليا فەسەنكو.

سونداي-اق وسى جىلى وقۋشىلار ءتورتىنشى توقساننان كەيىن كەلەسى سىنىپقا ءوتۋ ءۇشىن ەمتيحان تاپسىرمايدى. ولاردىڭ ۇلگەرىمى جىلدىق باعا بويىنشا قورىتىندىلانباق.

اۆتور: تالعاتجان مۇحامەتبەك ۇلى