15:32, 10 - ءساۋىر 2020 | GMT +6
الماتى ءدارىحانالارىندا ماسكا جەتكىلىكتى
الماتى. قازاقپارات - الماتى ءدارىحانالارىندا ماسكا جەتكىلىكتى، كۇن سايىن مونيتورينگ جۇرگىزىلىپ وتىرادى. بۇل تۋرالى الماتى قالاسى تاۋارلار مەن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتىنىڭ باسشىسى ايزات مولداقاسىموۆا بريفينگ بارىسىندا ايتتى،
دەپ حابارلايدى قازاقپارات ءتىلشىسى.
«كەلىسىم بويىنشا وندىرۋشىلەر 70 ءدارىحاناعا جەتكىلىكتى دەڭگەيدە ءارى قولجەتىمدى باعادا ماسكا جەتكىزىپ جاتىر. كەشە بۇل ءدارىحانالاردا 144 مىڭ ماسكا بولسا، بۇگىن 250 مىڭعا جۋىق. كەلىسىم بويىنشا ءبىر ادامعا ون دانادان ارتىق بەرىلمەيدى جانە ءۇش قاباتتى مەديتسينالىق ماسكا – 87، فيلترى بارى 111 تەڭگەدەن اسپاۋى كەرەك. بۇل رەسپۋبليكا بويىنشا ەڭ تومەنگى باعا. قالادا ماسكا جەتكىلىكتى»، - دەيدى ايزات مولداقاسىموۆا.
سونداي- اق ول ارنايى ورگاندارمەن تاركىلەنگەن ماسكالار دا مەديتسينا مەكەمەلەرى مەن ءدارىحانالارعا جەتكىزىلگەنىن ايتتى.
اۆتور: الما مۇقانوۆا
