الماتىلىقتىڭ كوروناۆيرۋستان قايتىس بولۋىنا قانداي ناۋقاستاردىڭ اسەرى بولعانى ايتىلدى

None
None
الماتى. قازاقپارات- الماتىدا كوروناۆيرۋس ينفەكسياسىنان قايتىس بولعان ايەلدىڭ باسقا دا سوزىلمالى اۋرۋلارى بولعان.

بۇل تۋرالى الماتى قالاسى قوعامدىق دەنساۋلىق ساقتاۋ باسقارماسىسىنىڭ باسشىسى تىلەۋحان ابىلدايەۆ ءمالىم ەتتى، دەپ حابارلايدى قازاقپارات ءتىلشىسى.

ونىڭ ايتۋىنشا، پاتسيەنت بايلانىستا بولعاندار قاتارىنان، ونىڭ وڭ تالداۋى 16-ناۋرىزدا انىقتالدى. قوسىمشا اۋرۋلارى بولۋىنا بايلانىستى ول 18-ناۋرىزدا رەانيماتسيا جانە قارقىندى تەراپيا بولىمشەسىنە ورنالاستىرىلدى. ناۋقاس، اتاپ ايتقاندا، وكپەنىڭ سوزىلمالى وبسترۋكتيۆتى اۋرۋلارىمەن، جۇرەكتىڭ سوزىلمالى جەتكىلىكسىزدىگى مەن جۇرەكتىڭ يشەميالىق اۋرۋلارىمەن، ستەنوكارديا، ارتەريالىق گيپەرتەنزيا دەرتىمەن اۋىراتىن.

«جۇرگىزىلگەن قارقىندى تەراپياعا قاراماستان جاعداي پوليورگاندىق جەتكىلىكسىزدىكتىڭ - تىنىس الۋ، جۇرەك-قان تامىرلارىنىڭ دامۋىنا بايلانىستى پروگرەسسيۆتى تۇردە ناشارلادى. 9-ساۋىردە قوسىمشا اۋرۋلارىنىڭ ۇدەۋى اياسىندا ساعات 23.20 دا قان اينالىمى توقتادى. 30 مينۋت ىشىندە جۇرگىزىلگەن رەانيماتسيالىق ءىس-شارالار ءساتسىز بولىپ، ساعات 23.50 دە قايتىس بولعانى انىقتالدى. نەگىزگى دياگنوزى: COVID-19 كوروناۆيرۋستىق ينفەكسياسى، راستالعان جاعداي. ەكى جاقتى پوليسەگمەنتتى پنيەۆمونيا، اۋىر اعىمى. ەكى جاقتى پليەۆريت. وكپەنىڭ ءىسىنۋى، لايەللا سيندرومى»، - دەيدى تىلەۋحان ابىلدايەۆ.

اۆتور: الما مۇقانوۆا


سوڭعى جاڭالىقتار