جانساقتاۋ بولىمىندە جاتقان ۇلى بريتانيا باسشىسىنىڭ قازىرگى جاعدايى حابارلاندى

نۇر-سۇلتان. قازاقپارات - COVID-19 جاڭا تيپتەگى كوروناۆيرۋسقا شالدىققان ۇلى بريتانيانىڭ پرەمەر-ءمينيسترى بوريس دجونسوننىڭ بۇگىندە كوڭىل كۇيى جاقسى، دەپ حابارلايدى قازاقپارات dw.com سىلتەمە جاساپ.

پرەمەر كەڭسەسىنىڭ مالىمدەۋىنشە، بوريس دجونسون جانساقتاۋ بولىمىنەن جاي پالاتاعا اۋىستىرىلدى.

ول دارىگەرلەردىڭ مۇقيات قاراۋىندا قالا بەرەدى.

5- ساۋىردە كەشكە 55 جاستاعى بوريس دجونسون اۋرۋحاناعا جەتكىزىلگەن. ودان انىقتالعان اۋرۋ بەلگىسى ءبىر جارىم اپتا بويى كەتپەگەن.

كەيىن ونىڭ جاعدايى ناشارلاپ كەتكەندىكتەن، قارقىندى تەراپيا بولىمىنە اۋىستىرىلعان.

رەسمي مالىمەتتەرگە سايكەس، جانساقتاۋ بولىمىندە دجونسون وتتەگىمەن تىنىستاعان.

دجونسوننىڭ ۇلى بريتانيا پرەمەر-ءمينيسترى مىندەتىن اتقارۋعا قاشان ورالاتىنى ازىرگە بەلگىسىز.

بريتاندىق ب ا ق بىرنەشە اپتادان كەيىن دەپ شامالاپ وتىر. بۇعان دەيىن بريتاندىق پرەمەر مىندەتتەرىن ەلدىڭ سىرتقى ىستەر ءمينيسترى دومينيك رااب اتقاردى.