سولتۇستىك كورەيادا كوروناۆيرۋس جۇقتىرۋدىڭ بىردە- ءبىر دەرەگى جوق
نۇر- سۇلتان. قازاقپارات - بۇگىندە الەم بويىنشا كوروناۆيرۋس جۇقتىرۋ دەرەگى تىركەلمەگەن ساناۋلى مەملەكەت قانا قالدى، دەپ حابارلايدى «حابار 24».
سونىڭ ءبىرى - سولتۇستىك كورەيا ەلى. ءبىراق قازىرگى ۋاقىتتا بۇل ەلدە 500-دەن اسا ادام كارانتيندە جاتىر ەكەن. بۇل تۋرالى دۇنيەجۇزىلىك دەنساۋلىق ساقتاۋ ۇيىمىنىڭ وسى ەلدەگى وكىلى حابارلادى.
ۇيىم وكىلىنىڭ ايتۋىنشا، وسى ۋاقىتقا دەيىن سولتۇستىك كورەيا 700-دەن استام ادامدى كوروناۆيرۋس بەلگىلەرىنە تەكسەرۋدەن وتكىزىپتى. ونىڭ ىشىندە شەتەل ازاماتتارى دا بار كورىنەدى. ناتيجەسىندە ۆيرۋس جۇقتىرۋدىڭ بىردە- ءبىر دەرەگى انىقتالماعان.
ايتا كەتەيىك، بۇگىندە سولتۇستىك كورەيادان بولەك، تاجىكستان، تۇرىكمەنستان جانە يەمەن ەلدەرىندە دە ينفەكسياعا شالدىعۋ دەرەكتەرى جوق.
