ارىپتەستەرىن ۇيىنە قوناققا شاقىرعان اقتوبەلىكتىڭ ءىسى سوتقا جىبەرىلدى

اقتوبە وبلىسى بويىنشا توتەنشە جاعداي رەجيمىن بۇزعان 267 فاكتى تىركەلدى. اكىمشىلىك قۇقىقبۇزۋشىلىق تۋرالى كودەكستىڭ «ت ج رەجيمىن بۇزۋ» بابى بويىنشا 55 ادام قامالىپ، 107 تۇرعىن ايىپپۇل تولەدى. ال كودەكستىڭ «ت ج جاعدايىندا قۇقىق ءتارتىبىن بۇزۋعا يتەرمەلەيتىن ءىس- ارەكەتتەر» بابى بويىنشا 6 ادام قامالدى. «بلوك پوستتاردى زاڭسىز اينالىپ وتپەك بولعان 4 ادام قامالدى. ەكەۋىنە ايىپپۇل سالىنىپ، 9 ماتەريال سوتقا جىبەرىلدى. سونىمەن بىرگە پوليتسيا قىزمەتكەرلەرى ۆولونتەرلەرمەن بىرگە كۇن سايىن قالانىڭ كوشەلەرى مەن اۋلالارىن باقىلاپ ءجۇر. 7 - ءساۋىر كۇنى 30 جاستاعى اقتوبەلىك ءوز ۇيىندە ارىپتەستەرىن جيناپ قوناق قىلعان. پوليتسيا قىزمەتكەرلەرى ا ق ب ت ك- ءنىڭ 476-بابى 6-تارماعى بويىنشا اكىمشىلىك حاتتاما تولتىردى. ماتەريال اقتوبە قالاسىنىڭ مامانداندىرىلعان اكىمشىلىك سوتىنا جىبەرىلدى» ، - دەدى وبلىستىق پ د باسپا ءسوز قىزمەتىنىڭ جەتەكشىسى ەربولات سارقۇلوۆ.