ءزىمبىردى قالاي ساقتايمىز؟

None
None
نۇر-سۇلتان. قازاقپارات - ءزىمبىر - قابىنۋعا جانە باكتەرياعا قارسى قاسيەتتەرگە يە ءونىم. ول بالعىن تۇرىندە دە، ۇنتاقتالعان كۇيىندە دە دارۋمەندەر مەن ميكروەلەمەنتتەردىڭ كوزى بولىپ تابىلادى.

ءزىمبىر تامىرىنىڭ جارامدىلىق مەرزىمى ساقتاۋ شارتتارىنا قاراي ءبىر ايدان ەكى جىلعا دەيىن وزگەرىپ تۇرادى. بۇل شىعىس دامدەۋىشىنىڭ پايدالى قاسيەتتەرىن ۇزاققا دەيىن ساقتاۋدىڭ جولدارىن قاراستىرايىق. بالعىن ءزىمبىر ءزىمبىردى ساتىپ الاردا ونىڭ سىرتقى تۇرىنە ءمان بەرىڭىز: تامىر تەگىس ءارى قاتتى، ال قابىعى جۇقا بولۋى كەرەك. تامىردا تەرەڭ قىرتىستار مەن قاتتى شىعىپ تۇرعان تالشىقتاردىڭ بولماعانى دۇرىس. نەگىزى، ورتاشا جۋاندىقتاعى تامىر جاس بولىپ كەلەدى. بالعىن ءزىمبىر تامىرىن ساقتاۋعا ەڭ قولايلى جەر - توڭازىتقىش. ول ارنايى اۋا وتكىزبەيتىن پاكەتتە ءۇش اپتاعا دەيىن ساقتالادى. ەگەر ارنايى پاكەت بولماسا، ونى قاعاز مايلىققا وراپ، سودان سوڭ پاكەتكە سالىڭىز. بۇل كەزدە دە ءزىمبىر بىرنەشە اپتا ساقتالادى.


ونى ساقتاۋدىڭ ەكىنشى ءادىسى - تازارتىلعان بالعىن ءزىمبىر تامىرىن الكوگولى بار قۇتىعا سالىپ قويۋ. الكوگولدى سۋسىنداردىڭ ىشىندە اراق ونىڭ پايدالى قاسيەتى مەن ءدامىن اسا وزگەرتپەيدى. بۇل ءادىس ارقىلى ءزىمبىردىڭ پايدالى قاسيەتتەرى 2-3-ايعا دەيىن ساقتالادى. كەپكەن ءزىمبىر كەپكەن ءزىمبىر سالىنعان پاكەتتى توڭازىتقىش ەسىگىندە نەمەسە اس ۇيدەگى شكاف سورەسىندە ساقتاي بەرۋگە بولادى. باستىسى، كۇن تۇسپەيتىن جەر بولۋى كەرەك. سول كەزدە كەپكەن ءزىمبىر ەكى جىلعا دەيىن ءوز قاسيەتىن جوعالتپايدى. ۇنتاقتالعان ءزىمبىر ۇنتاقتالعان ءزىمبىر تامىرى اۋا كىرمەيتىن ىدىستا جارتى جىلعا دەيىن ساقتالادى. ونى بولمە تەمپەراتۋراسىندا ۇستاۋ كەرەك جانە قاقپاعىن تەك قولداناردا اشۋ قاجەت. مۇزداتىلعان ءزىمبىر ءزىمبىر تامىرلارىنىڭ قابىقتارىن اشىماي- اق، كونتەينەرگە سالىپ، مۇزداتقىشقا قاتىرىپ قويۋعا بولادى. ءبىراق مۇزداتىلعان ءزىمبىردىڭ ءدامى ساقتالعانمەن، ونىڭ پايدالى قاسيەتتەرى جوعالادى.

Massaget.kz

سوڭعى جاڭالىقتار