داريعا نازاربايەۆا: «سيفرلى قازاقستان» باعدارلاماسى شۇعىل تۇردە قايتا قاراۋدى تالاپ ەتەمىن

None
None
نۇر-سۇلتان. قازاقپارات - پارلامەنت سەناتىنىڭ ءتوراعاسى داريعا نازاربايەۆا توتەنشە جاعداي كەزىندە مەملەكەت باسشىسىنىڭ شاعىن جانە ورتا بيزنەستى قولداۋ بويىنشا تاپسىرمالارىنڭ ءبارىن ناقتى ءارى ءتيىمدى تۇردە جۇزەگە اسىرۋ ماڭىزدى ەكەنىن ءمالىم ەتتى، دەپ حابارلايدى قازاقپارات ءتىلشىسى.

«وكىنىشكە قاراي سول مىندەتتەردىڭ جەرگىلىكتى جەردە ورىندالۋى - وتە كوپ سۇراقتى تۋىنداتىپ جاتىر. قازىر سونداي جاعدايلار مەن بيۋروكراتيالىق فورماليزم ءبارىنىڭ اۋزىندا ءجۇر. ولاردىڭ ءبارى ءوز باعاسىن الا جاتار. اسىرەسە سيفرلاندىرۋعا ەرەكشە توقتالا كەتكىم كەلەدى. ناعىز سىن كەزىندە مەملەكەتتىك اقپاراتتىق رەسۋرستار مەن ەلەكتروندى قىزمەتتەردە پروبلەمالار قوردالانىپ تۇرعانى كورىندى. بۇل دەگەنىڭىز داعدارىس بەتىن اشىپ تاستاعان پروبلەمالاردى ەسكەرە وتىرىپ «سيفرلى قازاقستان» باعدارلاماسى شۇعىل تۇردە قايتا قاراۋدى تالاپ ەتەتىنىن بىلدىرەدى»، - دەدى داريعا نازاربايەۆا ونلاين رەجىمدەگى سەنات وتىرىسىندا.

سەنات ءتوراعاسى بۇل ماسەلەنى دەپۋتاتتار بىرنەشە مارتە كوتەرگەنىن، بيۋروكراتيانىڭ سيفرلاندىرۋ ىسىنە مۇددەلى ەمەستىگىن ايتقانىن ەسكە سالدى.

اۆتور: ايان بەكەن ۇلى


سوڭعى جاڭالىقتار