قازاق-قىرعىز شەكاراسىن كەسىپ وتەردە بالالاردىڭ تۋۋ تۋرالى كۋالىگىن سۇرامايدى

None
None
نۇر-سۇلتان. قازاقپارات - ىشكى ىستەر ءمينيسترى ەرلان تۇرعىمبايەۆ سەنات دەپۋتاتتارىنا قازاقستاندىقتاردىڭ قىرعىزستان، قىرعىزستاندىقتاردىڭ قازاقستان اۋماعىندا ءجۇرىپ-تۇرۋ تارتىبىنە ەنگىزىلەتىن وزگەرىستەر تۋرالى زاڭ جوباسىن تانىستىردى، دەپ حابارلايدى قازاقپارات ءتىلشىسى.

«نازارلارىڭىزعا قازاقستان مەن قىرعىز رەسپۋبليكالارىنىڭ ۇكىمەتتەرى اراسىنداعى ق ر ازاماتتارىنىڭ قىرعىز اۋماعىندا جانە قىرعىز ازاماتتارىنىڭ ق ر اۋماعىندا بولۋ ءتارتىبى كەلىسىمىنە وزگەرىستەر ەنگىزۋ تۋرالى حاتتامانى راتيفيكاتسيالاۋ جونىندەگى زاڭ جوباسى ۇسىنىلادى. حاتتاماعا وتەن جىلى 12-شىلدەدە بىشكەك قالاسىندا قازاقستان مەن قىرعىز رەسپۋبليكالارىنىڭ ۇكىمەت باسشىلارى قول قويدى. حاتتامادا مەملەكەتتىك شەكارادان ءوتۋ ءۇشىن قۇجاتتار تىزىمىنەن بالالارعا ارنالعان انىقتامانى، تۋۋ تۋرالى كۋالىكتى الىپ تاستاۋدى كوزدەيدى. اتالعان نورما تەك قىرعىز رەسپۋبليكاسىمەن جۇمىس ىستەيدى. باسقا مەملەكەتتەرمەن بۇل نورما كوزدەلمەگەن»، - دەدى ىشكى ىستەر ءمينيسترى پارلامەنت سەناتىنىڭ ونلاين رەجىمىندە ءوتىپ جاتقان وتىرىسىندا. ەرلان تۇرعىمبايەۆ سونىمەن قاتار بۇل رەتتە جەكە باستى يدەنتيفيكاتسيالاۋ مەحانيزمى بولمايتىنىن اتاپ ءوتتى.

«تۋۋ تۋرالى كۋالىك پەن قوسىمشا بەت شەكارادان وتكەندە سكانەردەن وتكىزىلمەيدى. 2006 -جىلدان باستاپ بۇكىل الەمدە حالىقارالىق شەكارادان ءوتۋ كەزىندە بيومەتريالىق جول ءجۇرۋ قۇجاتىن الىپ ءجۇرۋ مىندەتتى بولدى. ال قازاقستانعا بۇل ەرەجە 2009 -جىلدان باستاپ ەنگىزىلدى. بۇگىنگى تاڭدا قازاقستان ازاماتتارىنىڭ قۇجاتتارى حالىقارالىق بيومەتريالىق ستاندارتپەن ىستەلگەن. حاتتامانى راتيفيكاتسيالاۋ بالالاردىڭ ەلگە كىرىپ-شىعۋىن حالىقارالىق ستاندارتقا سايكەس جەكە باستى يدەنتيفيكاتسيالاۋعا مۇمكىندىك بەرەدى. اتالعان زاڭدى قابىلداۋ - الەۋمەتتىك- ەكونوميكالىق جانە قۇقىقتىق تەرىس سالدارعا اكەپ سوقپايدى»، - دەدى ول.

اۆتور: ايان بەكەن ۇلى


سوڭعى جاڭالىقتار