الەمنىڭ ەڭ لاس وزەندەرى

نۇر-سۇلتان. قازاقپارات - ەكولوگتاردىڭ دابىل قاققانىنا از بولعان جوق. ورمان وتالىپ، وزەن لاستانىپ، مۇحيت كىرلەپ جاتىر. اسىرەسە، تىرشىلىك كوزى - سۋعا كەلگەن زارداپ كوپ.

كەيبىر وزەندەردىڭ ۋلانىپ كەتكەندىگى سونشالىق، ءتىپتى، جاقىنداۋعا دا بولمايدى.

يندونەزيا

تسينتارۋم وزەنى - الەمدەگى ەڭ لاس، ۋلانعان وزەن.

جاعاسىندا 5 ميلليونداي ادام تۇرادى. جەرگىلىكتى تۇرعىندار وزەنگە قوقىس پەن بار لاس زاتتارىن لاقتىرىپ، وزەندى نە ىشۋگە، نە جۋىنۋعا جارامسىز كولشىك ەتىپ تاستادى.

وزەندە 7 ميلليونعا جۋىق قوقىس جاتىر. جىل سايىن وزەن سۋىن ىشكەن 50 مىڭ ادام قايتىس بولادى.

قىتاي

حان وزەنىنە توگىلەتىن ونەركاسىپ قالدىعى وتە كوپ. وزەن قازىر نە جۋىنۋعا، نە ىشۋگە جارامايدى. قازىر بورسىق بالشىققا اينالىپ، بالدىر قاپتاعان. ءيىسى مۇرىن جارادى.

ال حۋانپۋ - قىتايدىڭ ساۋدا جانە ونەركاسىپ ورتالىعىنا اينالعان شاڭحاي قالاسىنا كەلىپ قۇياتىن وزەن.

مەگاپوليستىڭ بۇكىل قاعى مەن قوقىسى وسىندا توگىلەدى. 2013-جىلى شاڭحايدا ۇلكەن داۋ-داماي بولدى.

جەرگىلىكتى جۇرتتى دۇرلىكتىرگەن نارسە - وزەننەن ولگەن شوشقالاردىڭ تابىلۋى ەدى. داۋ ءالى تاۋسىلعان جوق.

ءۇندىستان

ەل استاناسى نيۋ-دەلي قالاسىنىڭ بار قوقىس- جۋىندىسى يامۋنا وزەنى بارىپ توگىلەدى.

بۇكىل كارىز جۇيەسى وسى وزەنگە بارىپ تىرەلەدى. ءبىراق مۇنى ويلاپ جاتقان ەشكىم جوق.

وزەننەن اۋىز سۋ الىپ كۇن كورىپ وتىرعاندار كوپ.

ا ق ش

سۋاتى تاۋدان باستاۋ الاتىن ميسسيسيپي وزەنى - ا ق ش ەلى ءۇشىن ماڭىزدى ستراتەگيالىق نىسانداردىڭ ءبىرى.

بۇل ەڭ تازا، تۇنىق وزەندەردىڭ ءبىرى ەدى. ءبىراق ەلدىڭ حيميالىق كاسىپورىندار تۇنىق وزەندى لايلاپ قانا قويماي، ۋعا اينالدىردى.

قازىر وزەنگە سۋعا تۇسۋگە بولمايدى. تىيىم سالىنعان.

نيگەريا

نيگەر وزەنىنىڭ ساعاسى ناعىز ەكولوگيالىق اپاتقا اينالدى. وزەنگە جىل سايىن 200 مىڭ باررەل مۇناي قالدىعى توگىلەدى.

مۇنايدى توگۋگە ەل ۇكىمەتى رۇقسات بەرگەن.

فيليپپين

پاسيگ وزەنىنە كوپىر سالىپ قاجەت ەمەس. جەرگىلىكتى جۇرت جاعاعا قوقىس ۇيىندىلەرىن باسىپ ءجۇرىپ-اق ءوتىپ الادى.

Massaget.kz