10:57, 07 - ءساۋىر 2020 | GMT +6
كوروناۆيرۋس گولوۆكين مەن «كانەلو» اراسىنداعى ءۇشىنشى جەكپە-جەككە كەدەرگى بولىپ تۇر
نۇر-سۇلتان. قازاقپارات - Boxingnews24.com سايتىنىڭ اۆتورى بارري حولبرۋك گەننادي گولوۆكين (40-1-1، 35 ك و) مەن ساۋل الۆارەس اراسىنداعى ءۇشىنشى جەكپە-جەك پروبلەماعا ۇرىنۋى مۇمكىن دەپ ساناپ وتىر، دەپ جازادى Sports.kz.
«گولوۆكين مەن «كانەلو» اراسىنداعى ءۇشىنشى جەكپە-جەك پروبلەمالارىنىڭ ءبىرى - ول ا ق ش- تا ىڭعايسىز ۋاقىتتا ءوتۋى مۇمكىن.
ەگەر قىركۇيەككە قاراي كوروناۆيرۋس پاندەمياسى ءالى دە ءورشىپ تۇرسا، بوكس جانكۇيەرلەرىنىڭ كوبىنىڭ DAZN- عا جازىلۋعا اقشاسى بولمايدى»، - دەپ شامالادى حولبرۋك.
گولوۆكين مەن «كانەلو» اراسىنداعى جەكپە-جەك 12- ناۋرىز كۇنىنە جوسپارلانعان.
الايدا ونىڭ ءبارى كوروناۆيرۋس پاندەمياسىنىڭ قاشان باسىلاتىنىنا بايلانىستى بولىپ وتىر. سونداي-اق، وعان دەيىن ەكى بوكسشىنىڭ ارالىق جەكپە-جەگى وتەدى دەپ بەلگىلەنگەن. گولوۆكين كاميل شەرەمەتامەن، ال الۆارەس - بيللي دجو سوندەرسپەن جۇدىرىقتاسۋى ءتيىس.