شىمكەنتتە ناۋقاستارعا جاڭا گوسپيتال سالىنا باستادى
قالالىق توتەنشە جاعداي شتابىنىڭ مالىمەتىنشە، توتەنشە جاعداي كەزىندە ناۋقاستاردى قابىلدايتىن گوسپيتال تەز قۇراستىرىلاتىن ماتەريالداردان تۇرعىزىلادى. وعان قاجەتتى قۇرىلىس زاتتارى تولىقتاي وتاندىق بولماق.
400-گە جۋىق جۇمىسشى جەرگىلىكتى جەردەن تارتىلعان. شاھار باسشىسى كارانتين كەزىندە جۇمىسشىلاردى ارنايى اۆتوبۋسپەن تاسىمالداۋ، قاۋىپسىزدىك شارالارىن ساقتاۋ جانە اۋىر جۇك كولىكتەرىنىڭ تاۋلىك بويى قۇرىلىس زاتتارىن توقتاۋسىز جەتكىزۋ ماسەلەسىندە كەدەرگى بولماۋىن جۇكتەدى. ارنايى اۋرۋحانا ستاتسيونار، جانساقتاۋ ءبولىمى سىندى بىرنەشە بولىكتەن تۇرادى. ۇيلەرىنە بارماي جۇمىس ىستەيتىن مەديتسينا قىزمەتكەرلەرى ءۇشىن ورىندار جاسالادى.
«بۇل رەتتە ۋاقىتشا اۋرۋحانانىڭ جابدىقتالۋى مەن سانيتارلىق- ەپيدەميولوگيالىق جاعدايى بەلگىلەنگەن نورماتيۆتەرگە تولىق ساي بولادى. مۇنداعى بۇكىل ۇيىمداستىرۋ جۇمىستارىن شىمكەنت قالالىق جۇقپالى اۋرۋلار اۋرۋحاناسى ۇيلەستىرەتىن بولادى. اتالعان گوسپيتالدىڭ قالا اۋماعىندا قىزمەت ەتۋى ينفەكسيالىق اۋرۋلاردىڭ الدىن الۋدى جاقسارتاتىن بولادى»، - دەلىنگەن اكىمدىك حابارلاماسىندا.
اۆتور: اينۇر اقبايەۆا