تۇركيادا كوروناۆيرۋسقا قارسى ۆاكسينا سىناقتان ءساتتى ءوتتى
بۇل تۋرالى حادجەتتەپ (انكارا) ۋنيۆەرسيتەتى مەديتسينالىق فاكۋلتەتىنىڭ پروفەسسورى اتەش قارا ايتتى، دەپ حابارلايدى Tengrinews.kz ءتىلشىسى.
«جاقسى جاڭالىق. جانۋارلارعا ميكرو ينە ارقىلى جاسالعان كوروناۆيرۋسقا قارسى ۆاكسينا يممۋندى جاۋابىن بەردى. ياعني قارسى دەنەلەر ءبولىندى. قازىر «بۇل ادامداردى قورعاي الا ما؟» دەگەن جاۋاپتى بىلەتىن ۋاقىت كەلدى»، - دەپ جازدى عالىم Twitter الەۋمەتتىك جەلىسىندە.
ايتا كەتەيىك، 11-ناۋرىزدا دۇنيەجۇزىلىك دەنساۋلىق ساقتاۋ ۇيىمى كوروناۆيرۋس پاندەمياسى دەپ جاريالادى. قازىرگى تاڭدا قاۋىپتى ىندەتتى ميلليوننان اسا ادام جۇقتىردى، شامامەن 57 مىڭ ادام اۋرۋدان كوز جۇمدى.
سونداي-اق، قازاقستاندا كوروناۆيرۋس جۇقتىرعانداردىڭ سانى 584 كە جەتتى. 42 ناۋقاس اۋرۋدان جازىلدى، 6 ادام قايتىس بولدى.
