ءتىل ۇيرەنۋگە تاپتىرماس سايتتار

None
None
نۇر-سۇلتان. قازاقپارات - كارانتين كەزىندە ۋاقىتتى قۇر وتكىزبەۋدىڭ ءبىر جولى - ءتىل ۇيرەنۋ.

ول ءۇشىن پايدالى باعدارلامالاردى سمارتفونعا جۇكتەپ الىپ نەمەسە سايتتاردان ساباقتاردى قاراۋعا بولادى.

دارىستەردى تىڭداپ، تاپسىرمالاردى ورىنداۋدىڭ پايداسى زور. ولاي بولسا ءتىل ۇيرەنۋگە كوپ كومەگىن تيگىزەتىن سايتتار ءتىزىمىن ۇسىنامىز.

Duolingo

ويىن فورماسىندا قاشىقتان وقۋعا باعىتتالعان تاماشا پلاتفورما. سمارتفونعا قوسىمشاسىن جۇكتەپ الۋعا دا بولادى. يسپان، نەمىس، فرانسۋز، اعىلشىن جانە باسقا دا تىلدەردى ۇيرەنۋگە مۇمكىندىك بەرەدى.

ءتۇرلى جاتتىعۋلاردى ورىنداپ، ءبىلىم دەڭگەيدى جوعارلاتا تۇسەسىڭ. جاتتىعۋلار ويىن تۇرىندە جاسالعان.

ءارتۇرلى دەڭگەيلەردەن وتۋگە باعىتتالعان. سايت كۇن سايىن ناتيجەڭ مەن ىلگەرىلەگەن كورسەتكىشىڭدى باعالاپ وتىرادى.

Fluentu

ۆيدەو ارقىلى قاشىقتان وقۋعا مۇمكىندىك بەرەتىن سايت. تاپسىرمالار دەڭگەي بويىنشا شىنايى ۆيدەولار ارقىلى بەرىلەدى.

ولار ۆيدەوكليپ، فيلمدەردىڭ ترەيلەرى، جاڭالىقتار جانە ت. ب. سايتتى قولدانۋشىلارعا يسپان، فرانسۋز، سولتۇستىك قىتاي (ماندارين ، نەمىس، جاپون جانە اعىلشىن تىلدەرىن ۇيرەنۋ ۇسىنىلادى.

ەكى اپتا (14 كۇن) تەگىن وقۋ ۇسىنىلادى. ارى قاراي اقىلى بولادى. ەگەر ۇناپ جاتسا، پايدالى بولسا، نەگە جالعاستىرماسقا؟

Babbel

بۇل سايت ءتىلدى جاڭا ۇيرەنە باستاعاندارعا عانا ەمەس، بەلگىلى ءبىر دەڭگەيدەن ارى قاراي جالعاستىرۋشىلار ءۇشىن دە پايدالى.

اعىلشىن، نەمىس، فرانسۋز، يسپان، يتاليان، پورتۋگال، پولياك، شۆەد، نورۆەگ جانە دات تىلدەرىن ۇيرەنۋ مۇمكىندىگى ۇسىنىلعان.

وقۋ ءۇشىن تىركەلۋ قاجەت. ازداعان سۇراق-جاۋاپ كەزەڭىنەن ءوتىپ، ءتىلدى ۇيرەنۋدەگى ماقسات پەن كۇنىنە قانشا ۋاقىت ارنايتىنىڭ جايلى مالىمەت سۇرايدى.

BBC languages

جاڭا ءتىل ۇيرەنۋدى ەندى باستاعاندار ءۇشىن تاپتىرماس الاڭ. مۇندا 40 قا جۋىق ءتىلدى مەڭگەرۋ مۇمكىندىگى بار. ءار ءتىلدىڭ لەكسيكا، گرامماتيكا جانە فونەتيكا بويىنشا بازاسى جيناقتالعان. سونداي-اق قوسىمشا مەملەكەتتەر جايلى پايدالى اقپاراتتارمەن دە قانىعا الاسىز.

Conversation Exchange

ءتىل قارىم-قاتىناس ارقىلى داميدى. ال بۇل سايت وزگەلەرمەن بايلانىسۋ ءۇشىن تاپتىرماس قۇرال. وزىڭە جاقىن ماڭنان نەمەسە وزگە ەلدەگى ءتىل بىلەتىن جانمەن ارالاسۋعا مۇمكىندىك بەرەدى.

اڭگىمەلەسەتىن ادامدى دا ءوزىڭ تاڭدايسىڭ. حات جازىسىپ، داۋىستى حابارلاما جىبەرۋگە بولادى. سونداي-اق Skype، Windows Live Messenger، Google Talk باعدارلامالارىن قولدانۋعا بولادى.

MosaLingua

بۇل - اۋديوقوسىمشا سايتى. ديكتور ايتقان ءسوزدى قايتالايسىز. ال باعدارلاما ونى تەكسەرەدى.

وسىلايشا قاتەسىز سويلەۋدى ۇيرەنىپ شىعۋعا بولادى. اعىلشىن، فرانسۋز، يتاليان، نەمىس جانە پورتۋگال تىلدەرى قولجەتىمدى.

Busuu Android

جۇيەسىندە جۇمىس جاسايتىن سمارتفونى بار قولدانۋشىلار ءۇشىن اسا پايدالى باعدارلاما. سونداي-اق سايتى دا بار. اعىلشىن، فرانسۋز، يسپان، پورتۋگال، قىتاي، تۇرىك جانە پولياك تىلدەرىمەن قوسا بارلىعى 12 ءتىل بار.

باعدارلاما وقۋ جوسپارىن قۇرىپ تا بەرەدى. اسىرەسە وقۋشىلارعا وتە پايدالى.

Elllo

ءسىزدىڭ تىڭداۋ قابىلەتىڭىزدى ارتتىراۋعا كومەكتەسەدى. ءتۇرلى تاقىرىپتاردا، مىسالى: سپورت، ساياحات، ويىن ت. ب. الەمنىڭ ءار تۇكپىرىنەن كەلگەندەرمەن سويلەسە الاسىز، جۇكتەپ الۋعا دا مۇمكىندىگىڭىز بار.

Livemocha

وزگە ءتىلدى ۇيرەنۋگە پايدالى سايتتار ساناتىنا قوسۋعا بولادى. قىزىقتى فورۋمدارى مەن بلوكتارى بار.

Writeandimprove

بۇل - اعىلشىن تىلىندە قاتەسىز جازۋدى ۇيرەتەتىن جانە اعىلشىن گرامماتيكاسىن تەرەڭ تۇسىنۋگە تاپتىرمايتىن سايت.

سەبەبى قاتەلىكتى كوزگە شۇقىپ كورسەتىپ بەرەدى. ونىڭ دۇرىس نۇسقاسىن ۇسىنادى. سونىمەن قاتار جازعانىڭىزعا قاراي اعىلشىن تىلىندە جازۋ قابىلەتىڭىز قانداي دەڭگەيدە ەكەنىن كورسەتەدى.

Massaget.kz


سوڭعى جاڭالىقتار