تانىمال سپورتشىلار ەلوردا تۇرعىندارىمەن بىرگە تاڭعى جاتتىعۋ جاسادى

نۇر-سۇلتان. قازاقپارات - نۇر-سۇلتاندا جاپپاي تاڭەرتەڭگىلىك جاتتىعۋ ءوتتى.

ول كوروناۆيرۋس ينفەكتسياسىمەن كۇرەسكە قولداۋ كورسەتۋ ماقساتىندا ۇيىمداستىرىلدى، دەپ حابارلايدى قازاقپارات قالا اكىمدىگىنە سىلتەمە جاساپ.

تاڭەرتەڭ ب. مومىش ۇلى كوشەسىنىڭ بويىنداعى كوپقاباتتى ۇيلەردىڭ تۇرعىندارى بالكونعا شىعىپ سپورتشىلارمەن بىرگە جاتتىعۋ جاسادى. جاتتىعۋدى بوكستان 2013-جىلعى الەم چەمپيونى مەرەي اقشالوۆ پەن 2017-جىلعى بوكستان الەم كۋبوگىنىڭ جەڭىمپازى ريمما ۆولوسەنكو جۇرگىزدى.

تۇرعىندار سپورتشىلارمەن بىرگە تاڭەرتەڭگىلىك جاتتىعۋدا بەلسەندىلىك كورسەتتى.

«وسى قيىندىقتى ەڭسەرەمىز. سوندىقتان سابىر ساقتاپ ۇيدە وتىرىپ ، بالالارىڭىزبەن بىرگە سپورتپەن اينالىسىڭىزدار. ەلىمىز امان، جۇرتىمىز تىنىش بولسىن. ءبىز بىرگە ەڭسەرەمىز! ءبىز بىرگەمىز!»، - دەيدى 2013-جىلعى الەم چەمپيونى بوكسشى مەرەي اقشالوۆ.