اقمولا وبلىسىندا كوروناۆيرۋستان قايتىس بولعان ادامعا قاتىستى دەرەكتەر بەلگىلى بولدى
نۇر- سۇلتان. قازاقپارات - اقمولا وبلىسى دەنساۋلىق ساقتاۋ باسقارماسىنىڭ باسشىسى سۇلەن ءىلياسوۆ كوروناۆيرۋس ىندەتىنەن قايتىس بولعان سەلينوگراد اۋدانىنىڭ تۇرعىنى تۋرالى دەرەكتەردى ايتتى، دەپ حابارلايدى قازاقپارات ءتىلشىسى.
قايتىس بولعان 1947 -جىلعى ەر ادام - سەلينوگراد اۋدانىنىڭ تۇرعىنى. بۇعان دەيىن ديستسيركۋلياتورلىق ەنتسەفالوپاتيا دياگنوزىمەن تىركەۋدە تۇرعان. باسقارما باسشىسىنىڭ سوزىنە قاراعاندا، بيىل 1 - ناۋرىزدا ناۋقاستىڭ كوپ اعزالىق دەرتىنە بايلانىستى جاعدايى ناشارلاعان. بۇل رەتتە تىنىس الۋ، جۇرەك- تامىر قىزمەتىنىڭ جەتكىلىكسىزدىگى جوعارىلاپ، كۇرەتامىرلىق قىسىم دەڭگەيىنىڭ جوعارى بولعانى بايقالدى.
«2 - ساۋىردە ناۋقاستىڭ بيولوگيالىق ءولىمى تىركەلىپ، ونىڭ دەنەسى سوت- مەديتسينالىق ساراپتاما ءۇشىن نۇر- سۇلتان قالاسىنا جەتكىزىلدى. زەرتتەۋ جۇرگىزۋ كەزىندەگى سەكسيوندىق ماتەريالدا كوروناۆيرۋس انىقتالدى. ناۋقاس بولعان جەردە ەپيدەمياعا قارسى شارالار جۇرگىزىلۋدە، سونداي- اق قارىم- قاتىناستا بولعان ادامدار انىقتالۋدا»، - دەدى س. ءىلياسوۆ.
بۇدان بۇرىن حابارلانعانداي، اقمولا وبلىسىندا كوروناۆيرۋس ينفەكسياسىنان ءبىر ادام قايتىس بولدى.
اۆتور: رۋسلان عابباسوۆ
