جامبىل وبلىسىندا كوروناۆيرۋس انىقتالعان ەكى ادامنىڭ دەرتتى قالاي جۇقتىرعانى بەلگىلى بولدى

None
None
نۇر-سۇلتان. قازاقپارات – 1-ساۋىردە جامبىل وبلىسىندا كوروناۆيرۋس جۇقتىرۋدىڭ جاڭا ەكى جاعدايى تىركەلگەن.

بۇگىندە ناۋقاستاردىڭ دەرتتى قالاي جۇقتىرعانى ءمالىم بولدى، دەپ حابارلايدى coronavirus2020.kz.

ولاردىڭ بىرەۋى - تاراز قالاسىنىڭ 41 جاستاعى تۇرعىنى. «قىزىلوردا- پەتروپاۆل» باعىتىنداعى پويىزدا تۇركىستان وبلىسىنىڭ تۇرعىنىمەن بايلانىستا بولعان. ونىڭ تۇركىستان وبلىسىنا ورالعان كەزدە ىندەت جۇقتىرعانى بەلگىلى بولعان ەدى.

ولارمەن بايلانىستا بولعان 8 ادام كارانتين بولىمشەسىنە جاتقىزىلدى. كوروناۆيرۋس ينفەكسياسىنا تالداۋ الىندى. سونىمەن قاتار، «قىزىلوردا- پەتروپاۆل» پويىزىندا تۇركىستان وبلىسىنىڭ اتالعان تۇرعىنىمەن بايلانىستا بولعان 7 جولاۋشى كارانتينگە جاتقىزىلدى. ولاردىڭ قان تالداۋى تەرىس ناتيجە كورسەتتى. ەكىنشى ناۋقاس - 1991 -جىلعى جامبىل وبلىسىنىڭ تۇرعىنى.

ول 30-ناۋرىزدا وڭىرگە رەسەي فەدەراتسياسىنان كەلگەن. كەلگەن كەزدە ءتارتىپ بويىنشا كارانتين ستاتسيونارىنا جاتقىزىلدى. سىناماسى وڭ ناتيجە كورسەتكەننەن كەيىن ينفەكسيالىق ستاتسيونارعا اۋىستىرىلدى. ەكى ناۋقاستىڭ دا جاعدايى قاناعاتتانارلىق، اۋرۋى جەڭىل تۇردە ءوتىپ جاتىر، حاتتاماعا سايكەس قاجەتتى ەم الىپ جاتىر.

سانيتارلىق-ەپيدەميالىق قىزمەتتەر ولاردىڭ تۇرعان جەرلەرى مەن بولعان ورىندارىنداعى وشاقتاردا دەزينفەكسيا جۇمىستارىن جۇرگىزدى.

سوڭعى جاڭالىقتار