15:02, 30 - ناۋرىز 2020 | GMT +6
الماتى وبلىسىندا كوروناۆيرۋس جۇقتىرعان ادام - ۇزىناعاش اۋىلىنىڭ تۇرعىنى
تالدىقورعان. قازاقپارات- الماتى وبلىسىندا سوڭعى كوروناۆيرۋس جۇقتىرعان ناۋقاس ۇزىناعاش اۋىلىنىڭ تۇرعىنى، - دەپ حابارلايدى قازاقپارات ءتىلشىسى.
الماتى وبلىسى اكىمىنىڭ باسپا ءسوز قىزمەتىنىڭ مالىمەتىنشە، كوروناۆيرۋس ينفەكتسياسى جامبىل اۋدانى ۇزىناعاش اۋىلىنىڭ 67 جاستاعى تۇرعىنىنان انىقتالعان.
29- ناۋرىزدا ول ك ۆ ي بەلگىلەرىمەن قاراساي اۋداندىق ينفەكتسيالىق اۋرۋحاناسىنا جاتقىزىلعان، تالداۋلار وڭ ناتيجە كورسەتىپ، ازاماتتىڭ اۋىرعانىن انىقتادى.
ەر ازامات كارانتين ەنگىزىلگەنگە دەيىن الماتى قالاسىندا يىق بۋىندارىنىڭ ارتريتىنە بايلانىستى ەم قابىلداعان.
ونىمەن قارىم-قاتىناستا بولعان ەكى ادام انىقتالىپ، ولار پروۆيزورلىق ستاتسيونارعا كارانتينگە جاتقىزىلدى.
اتاپ وتسەك، 2020-جىلدىڭ 30- ناۋرىزىنداعى جاعداي بويىنشا الماتى وبلىسىندا ك ۆ ي- مەن اۋىرعان 7 سىرقات تىركەلگەن.