اقمولا وبلىسىنا دا كارانتيندىك شەكتەۋ ەنگىزىلمەك
وبلىستاعى شەكتەۋلەر ءتۇرى: بارلىق اۆتوكولىكتەر مەن ازاماتتارعا اقمولا وبلىسىنىڭ اۋماعىنا كىرۋگە جانە شىعۋىنا تيىم سالىنادى، ترانزيتتىك جۇك اۆتوكولىكتەرى جانە ازىق-تۇلىك تاۋارلارىن تاسىمالدايتىن اۆتوكولىكتەردى ەسەپكە الماعاندا. ءىرى ساۋدا ورتالىقتارى جۇمىسىن توقتادى (ىشىندە ازىق- تۇلىك دۇكەندەرى مەن ءدارىحاناسىن ەسەپكە الماعاندا)، ساياباقتار، مونشا كەشەندەرى، شيپاجاي- كۋرورتتى نىساندارى، ءسان سالوندارى، شاشتارازدار، ونەركاسىپتىك تاۋارلار، اۆتوموبيل، كيىم- كەشەك، قۇرىلىس تاۋارلارىن ساتاتىن بازارلار. قوعامدىق تاماقتانۋ نىساندارى (ازاماتتار كەلمەيتىن تاپسىرىستى تاۋلىك بويى جەتكىزىپ بەرۋ قىزمەتىن ەسەپكە الماعاندا).
ءدارىحانالار جانە ءدارىحانا كيوسكىلەرى شتاتتىق رەجيمدە جۇمىسىن جالعاستىرا بەرەدى. وبلىس تۇرعىندارىنا شۇعىل قاجەتتىلىك بولماسا ۇيدەن شىقپاۋعا، ماسكا تاعۋ جانە ءبىر رەتتىك پەرچاتكا قولدانىپ، قولدى انتيسەپتيكپەن جۋۋعا كەڭەس بەرىلەدى. جاسى 65 تەن اسقاندارعا ءوزىن ءوزى وقشاۋلاۋ رەجيمىن ساقتاۋ ۇسىنىلادى.
اۆتور: اسلان وسپانوۆ