جۇما كۇنى ەلىمىزدىڭ سولتۇستىگى مەن ورتالىعىندا جاۋىن جاۋادى
27- ناۋرىزدا قازاقستان اۋماعىنىڭ باسىم بولىگىندە كۇن رايى اشىق بولادى، تەك رەسپۋبليكانىڭ سولتۇستىگى مەن ورتالىعىندا فرونتالدى بولىكتەردىڭ وتۋىنە بايلانىستى كەي جەرلەرىندە جاۋىن-شاشىن جاۋادى.
رەسپۋبليكانىڭ كەي جەرلەرىندە تۇمان تۇسەدى، جەلدىڭ كۇشەيۋى ساقتالادى، سولتۇستىكتە كەي جەرلەرىندە كوكتايعاق كۇتىلەدى.
شىعىس قازاقستان وبلىسىنىڭ تۇندە جانە تاڭەرتەڭ كەي جەرلەرىندە تۇمان كۇتىلەدى، كۇندىز جەل 15-20 م/س كۇشەيەدى.
اقمولا، قىزىلوردا، قوستاناي، سولتۇستىك قازاقستان، پاۆلودار، تۇندە جانە تاڭەرتەن تۇركىستان وبلىستارىنىڭ كەي جەرلەرىندە جەل 15-20 م/س كۇشەيەدى، قوستاناي وبلىسىنىڭ كەي جەرلەرىندە تۇمان، سولتۇستىك قازاقستان وبلىسىنىڭ كەي جەرلەرىندە كوكتايعاق كۇتىلەدى.
الماتى وبلىسىنىڭ جالاڭاشكول اۋدانىندا جەل 18-23 م/س كۇشەيەدى.
جامبىل، باتىس قازاقستان وبلىستارىنىڭ كەي جەرلەرىندە تۇمان كۇتىلەدى.