15:00, 26 - ناۋرىز 2020 | GMT +6
«شىدا، باۋىرىم!» - نۇر-سۇلتان تۇرعىندارى ەسىلدىڭ جاعالاۋىنا ازىق-تۇلىك اكەلىپ جاتىر
نۇر-سۇلتان. قازاقپارات - ەلوردا تۇرعىندارى ەسىل وزەنىنىڭ جاعالاۋىنا مۇقتاج جاندار ءۇشىن ازىق- تۇلىك پەن گيگيەنالىق زاتتار اكەلۋدە، دەپ حابارلايدى قازاقپارات.
«شىدا باۋىرىم!» - «دەرجيس درۋگ!» دەپ جازىلعان قايىرىمدىلىق اكسياسىنىڭ سۋرەتتەرى الەۋمەتتىك جەلىدە جاريالاندى. تۇرعىندار كەنەسارى حان ەسكەرتكىشى ماڭىنداعى قورشاۋعا ازىق- تۇلىك پەن انسيسەپتيك سالىنعان دوربالاردى ءىلىپ جاتىر.
«ەلوردادا بەلگىسىز بىرەۋ ازىق-تۇلىك، انتيسەپتيك جانە وزگە دە قاجەتتى زاتتار سالىنعان پاكەت قالدىرىپ كەتكەن. ادام اتىن ماقتانىشپەن ايتاتىن ءسات»، - دەپ جازدى Facebook قولدانۋشىلارىنىڭ ءبىرى.
اۆتور: ايجان سەرىكجان قىزى