رەسەيدە كونستيتۋتسياعا ەنگىزىلەتىن تۇزەتۋگە داۋىس بەرۋ كۇنىن كەيىنگە قالدىردى
«الدىن الا داتاسى 22- ساۋىرگە بەلگىلەنگەن كونستيتۋتسياعا تۇزەتۋلەر بويىنشا جالپى رەسەيلىك داۋىس بەرۋدى ۇيىمداستىرۋ بويىنشا ماسەلەلەردىڭ تۋىندايتىندىعى ءسوزسىز. وزدەرىڭىزدە بۇل ماسەلەگە قانشالىقتى بايىپپەن قارايتىندىعىمدى جاقسى بىلەسىزدەر. ارينە، ەلىمىز ءۇشىن، قوعامىمىز ءۇشىن تۇبەگەيلى ءارى باستى وسىناۋ ماسەلەگە قاتىستى وزدەرىڭىزدىڭ پىكىرلەرلەرىڭىزدى كەلىپ ءبىلدىرۋدى سۇرايتىن بولادى. دەگەنمەن، بۇعان دەيىن ايتقانىمداي، ءبىز ءۇشىن ادامداردىڭ دەنساۋلىعى، ءومىرى مەن قاۋىپسىزدىگى ءسوزسىز باسىمدىق سانالادى. سوندىقتان دا داۋىس بەرۋدى بارىنشا كەيىنىرەك داتاعا اۋىستىرۋ قاجەت دەپ سانايمىن. وڭىرلەردەگى، جالپى ەلدەگى احۋالدىڭ قالاي داميتىندىعىن باعالايمىز جانە دارىگەرلەردىڭ مامانداردىڭ كاسىبي پىكىرلەرى مەن ۇسىنىستارىنا ارقا سۇيەي وتىرىپ، داۋىس بەرۋدىڭ جاڭا كۇنى جايىندا شەشىم قابىلدايمىز»، - دەدى ۆ. پۋتين رەسەي حالقىنا ارناعان تەلەۇندەۋىندە.
