شىمكەنتتەگى كوروناۆيرۋس جۇقتىرعان ايەل كەشەگى ناۋقاستىڭ اناسى بولىپ شىقتى
بۇگىندە شىمكەنت قالاسىندا كوروناۆيرۋس ينفەكسياسىن جۇقتىرعان ەكى ادام بار. 1970 -جىلعى ناۋقاستان الىنعان اناليز وڭ ناتيجەسىن بەرگەن. كوروناۆيرۋس ينفەكسياسى انىقتالعان وشاقتا كەشەندى ەپيدەمياعا قارسى ءىس- شارالار اتقارىلىپ، قورىتىندى زالالسىزداندىرۋ جۇمىسى تولىق جۇرگىزىلدى. ناۋقاستىڭ قازىرگى جاعدايى ءبىرقالىپتى. كوروناۆيرۋس ينفەكسياسىنىڭ دياگنوستيكاسى مەن ەمى بەكىتىلگەن حاتتاماعا سايكەس تەراپيا جۇرگىزىلۋدە. ايتا كەتەيىك، بۇگىن دياگنوزى راستالعان ازاماتشا - كەشە كوروناۆيرۋس انىقتالعان ازاماتتىڭ تۋعان اناسى. بالاسىمەن تۇرمىستىق تىعىز قاتىناستا بولعاندىقتان، ازاماتشا 24 - ناۋرىز كۇنى جۇقپالى اۋرۋحانالار اۋرۋحاناسىنا جاتقىزىلىپ، وقشاۋلانعان. اناليز الىنىپ، 25 - ناۋرىز كۇنى وڭ ناتيجەسىن بەرگەن. ەسكە سالا كەتەيىك، بۇعان دەيىن نۇر- سۇلتاننان شىمكەنتكە اۆتوبۋسپەن بارعان جىگىتتىڭ كوروناۆيرۋس جۇقتىرعانىن، ال بۇگىن شىمكەنتتە تاعى ءبىر ادامنان ۆيرۋس تابىلعانىن جازعان بولاتىنبىز.
