19:26, 24 - ناۋرىز 2020 | GMT +6
نۇر-سۇلتاندا كوروناۆيرۋس تابىلعان تۇرعىنداردىڭ ءۇيى نەلىكتەن كارانتينگە جابىلماعانى بەلگىلى بولدى
نۇر-سۇلتان. قازاقپارات - نۇر-سۇلتان قالاسىندا كوروناۆيرۋس تابىلعان تۇرعىندار تۇرعان ۇيلەردىڭ نەلىكتەن كارانتينگە جابىلماعانى بەلگىلى بولدى.
ونىڭ سەبەبى تۋرالى «حابار 24» تەلەارناسىنىڭ تىكەلەي ەفيرىنەن ق ر اقپارات جانە قوعامدىق دامۋ ءمينيسترى داۋرەن ابايەۆ ايتتى، دەپ حابارلايدى قازاقپارات ءتىلشىسى.
ايتا كەتەيىك، ءمينيستردىڭ اتىنا جولدانعان ساۋالداردىڭ بىرىندە الماتىداعىداي نۇر-سۇلتان قالاسىندا تۇرعىن ۇيلەر كارانتينگە وقشاۋلانباعانى ايتىلادى.
ەستە بولسا، الماتىدا كوروناۆيرۋس تابىلعان تۇرعىندار تۇرعان ۇيلەر كارانتينگە جابىلعان بولاتىن.
«نۇر-سۇلتان قالاسى اۋماعىندا كوروناۆيرۋس ينفەكتسياسىن جۇقتىرعان ادامدار ۇشاق بورتىندا بولعان جولاۋشىلارمەن بىرگە ستاتسيونارعا جەتكىزىلدى. ەگەر ەپيدەمولوگيالىق تىزبەك تۇرعىن ۇيگە الىپ كەلەتىن بولسا، وندا مۇنداي شارالار قاراستىرىلاتىن بولادى»، - دەدى داۋرەن ابايەۆ.