كوروناۆيرۋس جاعدايىنا مونيتورينگ جاسايتىن سەرۆيس ىسكە قوسىلدى

None
None
نۇر-سۇلتان. قازاقپارات - ق ر سيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگى مەن «ۇلتتىق اقپاراتتىق تەحنولوگيالار» ا ق ق ر دەنساۋلىق ساقتاۋ مينيسترلىگىمەن بىرلەسىپ، كوروناۆيرۋس بويىنشا جاعدايدى مونيتورينگىلەپ وتىراتىن سەرۆيستى ىسكە قوستى، دەپ حابارلايدى قازاقپارات ءتىلشىسى coronavirus2020.kz رەسۋرسىنا سىلتەمە جاساپ.

www.egov.kz پورتالىندا ورنالاستىرىلعان ينتەراكتيۆتى كارتادان ۆيرۋس جۇقتىرعاندار سانى جانە ولارمەن بايلانىستا بولعان ازاماتتاردى تىركەۋ، ازامات ۇيدە نەمەسە ستاتسيونارلىق كارانتيندە بولۋى مۇمكىن ءقاۋىپتى ايماقتار تۋرالى اقپاراتپەن تانىسا الادى. سونداي-اق، كوروناۆيرۋستى جۇقتىرۋدىڭ راستالعان جاعدايلارى بويىنشا وزەكتى اقپارات جاريالانادى.

بۇل سەرۆيس كوروناۆيرۋس ىندەتىمەن كۇرەسىپ جاتقان وزگە ەلدەردىڭ (قىتاي، سينگاپۋر، كورەيا، يزرايل) ۇلگىسىندە جاسالدى جانە حالىقتىڭ جاۋاپكەرشىلىگىن ارتتىرۋعا، گيگيەنا شارالارىن كۇشەيتۋگە، كارانتين رەجيمىن ساقتاۋعا باعىتتالعان.

ق ر دەنساۋلىق ساقتاۋ مينيسترلىگى ينفەكتسيانىڭ تارالۋىنا جول بەرمەۋ جانە الدىن الۋ ءۇشىن ازاماتتارعا قالا ىشىندە ءجۇرىپ-تۇرۋدى شەكتەۋدى جانە كارانتين كەزىندە ۇيدە وتىرۋدى ۇسىنادى. كارتادا ورنالاستىرىلعان بارلىق دەرەكتەر قازاقستان رەسپۋبليكاسى دەنساۋلىق ساقتاۋ مينيسترلىگىنىڭ اقپاراتتىق جۇيەلەرىنەن ناقتى ۋاقىت رەجيمىندە الىنادى.

جاقىن ارادا وسىنداي سەرۆيستىڭ eGovMobile موبيلدىك قوسىمشاسىندا پايدا بولادى. سونداي-اق، eGov پورتالىندا ينتەراكتيۆتى كارتامەن بىرگە كوروناۆيرۋس بويىنشا ءجيى قويىلاتىن سۇراقتار مەن جاۋاپتار بازاسى ورنالاسقان.

سوڭعى جاڭالىقتار