قىرعىزستاننىڭ ءبىرقاتار وڭىرىندە كوروناۆيرۋسقا بايلانىستى توتەنشە جاعداي ەنگىزىلدى

مەملەكەت باسشىسى الەمدەگى قيىن جاعدايدى، سونداي-اق ەلدە كوروناۆيرۋس ينفەكتسياسى قارقىنى ارتىپ كەلە جاتقانىن اتاپ ءوتتى.

وسىعان بايلانىستى پرەزيدەنت بىشكەك، وش جانە جالال-اباد، وش وبلىسىنىڭ كارا-سۋي، نووكات اۋداندارىندا، دجالال-اباد وبلىسىنىڭ سوزاق اۋدانىندا توتەنشە جاعداي ەنگىزۋ تۋرالى شەشىم قابىلداعانىن ايتتى.

پرەزيدەنت ءتيىستى جارلىققا قول قويىلىپ، جوگاركۋ كەنەشكە جىبەرىلگەنىن ءمالىم ەتتى. توتەنشە جاعداي 25- ناۋرىز ساعات 08.00 دەن باستاپ 2020 -جىلدىڭ 15 -ءساۋىرى ساعات 08.00 گە دەيىن ەنگىزىلەدى.

اتالعان قالالار مەن اۋدانداردىڭ اۋماعىندا كومەنداتۋرا قۇرىلدى. جەەنبەكوۆ وسى اۋداندارداعى سانيتارلىق-كارانتيندىك بەكەتتەردەن ءوتۋ كەزىندە ازىق-تۇلىك جانە باسقا دا تاۋار تاسيتىن جۇك كولىكتەرىنە باسا نازار اۋدارۋدى تاپسىردى.