دارىگەرلەر الماتىدا كوروناۆيرۋس جۇقتىرعان ناۋقاستاردىڭ جاعدايى تۋرالى ايتتى

«الماتى قالاسىندا كوروناۆيرۋس جۇقتىرعان تاعى ەكى ادام تىركەلدى. ەكى پاتسيەنت بۇعان دەيىن وسى ىندەتتى جۇقتىرعان جاندارمەن بايلانىستا بولعان. ولاردىڭ بارلىعى ستاتسيوناردا كارانتيندە جاتتى. كوروناۆيرۋس ينفەكسياسىن انىقتاۋ جانە ەمدەۋ حاتتاماسىنا سايكەس، ەم- دوم شارالارى باستالدى. ەكى پاتسيەنتتىڭ دە جاعدايى قاناعاتتانارلىق» ، - دەدى ول «حابار 24» تەلەارناسىنىڭ تىكەلەي ەفيرىنەن.

ونىڭ دەرەگىنشە، بۇگىنگى تاڭدا قالالىق جۇقپالى اۋرۋلار اۋرۋحاناسىندا 22, ال بالالار جۇقپالى اۋرۋلار اۋحاناسىندا 2 بالا جانە اۋرۋ جۇقتىرعان ءبىر انا بار. «قازىر ەكى ناۋقاستىڭ جانە 1 بالانىڭ دەنساۋلىعى ورتا اۋىرلىق جاعدايىندا. قالعان پاتسيەنتتەردىڭ دەنساۋلىعى قاناعاتتانارلىق. بۇگىندە قالانىڭ پروۆيزورلىق گوسپيتالدەرىندە كارانتيندە 660, ءۇي كارانتينىندە 1462 ادام، قوسىمشا كارانتيندىك ستاتسيونارلاردا 778 ادام بار. كارانتينگە وقشاۋلانعان بارلىق ازاماتتىڭ دەنە قىزۋى قالىپتى جاعدايدا، كاتارالدىق اۋىتقۋلار جوق» ، - دەدى تىلەۋحان ابىلدايەۆ.