مەملەكەت باسشىسى: كارانتين رەجيمىن قاتاڭ ساقتاۋ - بارشامىزعا ورتاق مىندەت
«ەكى نەگىزگى قالادا كارانتين رەجيمىن قاتاڭ ساقتاۋ - بارشامىزعا ورتاق مىندەت. بۇل ىندەتكە جايباراقات، بەي-جاي قاراۋعا بولمايدى. قويىلعان تالاپتاردى ورىنداۋ قاجەت. ۇكىمەت قىسقا مەرزىم ىشىندە ازاماتتاردى بەتپەردەمەن جانە انتيسەپتيكتەرمەن قامتاماسىز ەتۋى ءتيىس»، - دەپ جازدى پرەزيدەنت Twitter- دە.
بۇعان دەيىن حابارلاعانىمىزداي، بۇگىن ق. توقايەۆ كوروناۆيرۋسپەن كۇرەس جۇمىسىن ۇيلەستىرەتىن ەلورداداعى شۇعىل ارەكەت ەتۋ ورتالىعىنا باردى. ورتالىقتىڭ نەگىزگى مىندەتتەرىنىڭ ءبىرى - حالىققا شىنايى اقپارات بەرۋ.
