ءۇش مەملەكەتتە جۇرگەن قازاقستان ازاماتتارىنا ارنايى ۇشاق جىبەرىلەدى

«قازىرگى ۋاقىتتا ەل ۇكىمەتى حالىقارالىق اۆياقاتىناستاردىڭ جابىلۋىنا بايلانىستى ەڭ الدىمەن، پولشا، گرۋزيا جانە ازەربايجاننان ق ر ازاماتتارىن قايتارۋ تۋرالى شەشىم قابىلدادى. سءى م قازاقستاندىق ازاماتتاردى قايتارۋدى ۇيىمداستىرۋ بارىسىندا باسقا مەملەكەتتىك ورگاندارمەن تىعىز ۇيلەسىمدى جۇمىس اتقارۋدا. قازاقستاندىقتاردىڭ ۇيگە قايتىپ ورالۋىن Air Astana جانە Scat اۆياكومپانيالارى تومەن باعامەن رەيستەردى ۇيىمداستىرۋ ارقىلى جۇزەگە اسىرادى»،- دەدى رەسمي وكىل.

ونىڭ اتاپ وتۋىنشە، قازىرگى ۋاقىتتا ماسكەۋ قالاسىنىڭ «ۆنۋكوۆو» اۋەجايىنداعى 30 عا جۋىق قازاقستاندىقتى ەلگە قايتارۋ ماسەلەسى شەشىلۋدە. ولاردىڭ قولىندا بيلەتتەر بار، ۇشۋ ۋاقىتى بويىنشا SCAT اۆياكومپانياسىمەن كەلىسۋ جۇمىستارى ءجۇرىپ جاتىر. سونىمەن قاتار رەسەيدىڭ باسقا دا قالالارىنان ازاماتتارىمىزدى قايتارۋ بويىنشا قيىندىقتار بار. اتاپ ايتقاندا، ومبىدا 26 ادام، نوۆوسىبىردە 8 ادام، ەكاتەرينبۋرگتە 11 ادام، بارناۋل، سامارادا 10 ادام جانە چەليابى، ورىنبور سىندى قالالاردا بىرنەشە ادام قازاقستانعا قايتا الماي وتىر.

«قازىر بىشكەك قالاسىندا اتىراۋدان كەلگەن ءبىر توپ ازاماتىمىز بار. ولاردىڭ اراسىندا ەرەكشە تاسىمالداۋ شارتتارى تالاپ ەتىلەتىن دت س پ دياگنوزى بار بالالار بولعاندىقتان، بۇل جاعدايدا قورعانىس مينيسترلىگىنىڭ اۆياتسياسى پايدالانىلاتىن بولادى» ، - دەدى ايبەك سمادياروۆ.