اتىراۋ وبلىسىنىڭ كاسىپكەرلەرى ماسكا تىگىپ، تەگىن تاراتۋدا

«جاستار رەسۋرستىق» ورتالىعىندا ء«بىز بىرگەمىز!» شتابى قۇرىلدى. ماقسات - توتەنشە جاعدايعا بايلانىستى كومەككە مۇقتاج جاندارعا قىزمەت كورسەتۋ. اتىراۋداعى 1800 دەن اسا ۆولونتەردىڭ 120 دان استامى اتالعان شتابقا تىركەلدى»،- دەدى «جاستار رەسۋرستىق» ورتالىعىنىڭ باسشىسى سەرىك قادىروۆ.

ونىڭ ايتۋىنشا، بىلتىر «Jas project» جوباسىمەن قارجىلاي قولداۋ العان 16 جاس كاسىپكەر مەديتسينالىق ماسكا تىگىپ، ەرىكتىلەردىڭ كومەگىمەن تەگىن تاراتۋدا. ولاردىڭ قاتارىندا مەديتسينالىق ماسكانى وزدەرى دايىندايتىن يساتاي اۋدانىنداعى «مەيىرىم» ەرىكتىلەر توبى دا بار. سونىمەن بىرگە، جانار نۇرلىبەك باستاعان ەرىكتىلەر جالعىزباستى قاريالارعا تەگىن ازىق- تۇلىك سەبەتىن جەتكىزۋدە. «اتىراۋدا «ىسكەر انا» جوباسى اياسىندا 900 دەن استام انا تەگىن ءبىلىم الدى. ۇلتتىق ويۋى بار ماسكا تىككەن ديزاينەر اسىل دۇزبايەۆانىڭ باستاماسىن ىسكەر انالار ءىلىپ اكەتتى. قازىر 14 اتەلە مەديتسينالىق ماسكا تىگۋگە جۇمىلدى. مەجە - كۇنىنە 1000 ماسكا تىگۋ. بۇل - ۇيدە وتىرىپ، ءىس تىگەتىن انالارعا قوسىمشا جۇمىس» ، - دەدى ايگەرىم دوسقاليەۆا.