كوروناۆيرۋس: نۇر- سۇلتان اكىمدىگى ازىق- تۇلىك دۇكەندەرى يەلەرىنىڭ مىندەتتەرىن بەكىتتى

جەدەل شتاب بۇل مىندەتتەردى قالالىق اكىمدىكتىڭ رەسمي سايتىندا جاريالادى. جەدەل شتاب، اتاپ ايتقاندا، ازىق- تۇلىك تاۋارلارىن ساتاتىن ازىق- تۇلىك ساۋدا جەلىلەرىنىڭ، سۋپەرماركەتتەردىڭ، شاعىن ماركەتتەردىڭ، تۇرعىن ۇيلەردىڭ جانىنداعى دۇكەندەردىڭ، ساۋدا ورتالىقتارىنىڭ، ساۋدا ۇيلەرىنىڭ، بازارلار جانىنداعى ازىق- تۇلىك بولىمدەرىنىڭ مەنشىك يەلەرىنە ءبىرقاتار مىندەت جۇكتەدى. ناقتىراق ايتقاندا ولار سانيتاريالىق جانە دەزينفەكتسيالىق شارالاردى مىندەتتى ساقتاي وتىرىپ، شتاتتىق رەجىمدە وبەكتىلەردىڭ ۇزدىكسىز جۇمىسىن جۇرگىزۋگە مىندەتتەلگەن. سونىمەن قاتار، قىزمەتكەرلەردى جەكە قورعانىش قۇرالدارىمەن (مەديتسينالىق بەتپەردەلەر، پەرچاتكالار جانە ت. س. س) ، سانيتايزەرلەردى ورناتىپ، الەۋمەتتىك ماڭىزى بار ازىق- تۇلىك تاۋارلارىنا جانە ءبىرىنشى قاجەتتىلىكتەگى تاۋارلارعا باعالاردىڭ وسۋىنە جول بەرمەۋى ءتيىس. سونداي- اق، ءبىر قولعا قانت، كۇرىش، قاراقۇمىق سەكىلدى ونىمدەردى 5 كەلىگە دەيىن، كۇنباعىس مايىن 5 ليترگە دەيىن ساتىلۋىن شەكتەۋى كەرەك. ودان بولەك نان- توقاش، كونديتەرلىك ونىمدەردى، كەپتىرىلگەن جەمىستەردى (جاڭعاقتار، ورىكتەر، ءجۇزىم جانە ت. ب. ) قاپتالعان تۇرىندە وتكىزۋدى قامتاماسىز ەتۋى كەرەك.