نۇر- سۇلتان مەن الماتى قالالارىنان وزگە وڭىرلەرگە اۋە رەيستەرى توقتاتىلدى

​ «ق ر پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيانىڭ شەشىمدەرىن ورىنداۋ ءۇشىن 2020 -جىلعى 22 - ناۋرىز كۇنى ساعات 00:00-دەن باستاپ حالىقارالىق جانە جۇك رەيستەرىن قوسپاعاندا، بارلىق قازاقستاندىق اۋە كومپانيالاردىڭ نۇر- سۇلتان جانە الماتى قالالارىنا كەلەتىن جانە ۇشىپ شىعاتىن تۇراقتى، تۇراقتى ەمەس (چارتەرلىك) جولاۋشىلار رەيستەرى توقتاتىلادى»، - دەلىنگەن اقپاراتتا.

اتاپ ايتقاندا نۇر- سۇلتان قالاسىنان الماتى، بالقاش، تالدىقورعان، پەتروپاۆل، تاراز، شىمكەنت، جەزقازعان، قىزىلوردا، ورال، وسكەمەن، پاۆلودار، سەمەي، اقتاۋ، اتىراۋ، اقتوبە، قوستاناي جانە تاعى باسقا قالالارعا 16 ىشكى باعىت بويىنشا اپتاسىنا 320 تۇراقتى رەيس توقتايدى. ال الماتى قالاسىنان نۇر- سۇلتان، بالقاش، كوكشەتاۋ، پەتروپاۆل، تاراز، شىمكەنت، جەزقازعان، قاراعاندى، قىزىلوردا، ورال، وسكەمەن، پاۆلودار، سەمەي، ءۇرجار، اقتاۋ، اتىراۋ، اقتوبە، قوستاناي جانە تاعى وزگە قالالارعا 18 باعىت بويىنشا اپتاسىنا 295 تۇراقتى رەيس توقتاتىلادى.

​ «ق ر پرەزيدەنتى جانىنداعى توتەنشە جاعداي رەجيمىن قامتاماسىز ەتۋ جونىندەگى مەملەكەتتىك كوميسسيا وتىرىسىنىڭ 2020 -جىلعى 16 - ناۋرىزداعى № 1 حاتتاماسىنا سايكەس اۋە كومپانيالار توتەنشە جاعداي رەجيمى قولدانىلاتىن كەزەڭدە اۋە بيلەتتەرىن ايىپپۇلسىز جانە تولىق كولەمدە قايتارۋدى راسىمدەۋى قاجەت. ​ازاماتتىق اۆياتسيا كوميتەتى ازاماتتاردىڭ شوعىرلانۋىن بولدىرماۋ ءۇشىن جولاۋشىلارعا 2020 -جىلعى 22- ناۋرىزدا ساعات 00:00-دەن باستاپ نۇر- سۇلتان جانە الماتى قالالارىنىڭ اۋەجايلارىنا بارماۋدى ۇسىنادى»، - دەدى ۆەدومستۆودان.