قورعانىس مينيسترلىگى اسكەري تەحنيكالاردىڭ توپتالۋ سەبەبىن ءتۇسىندىردى
«2020 -جىلدىڭ 18- ناۋرىزىندا اسكەري دايارلىقتى تەكسەرۋ بويىنشا بۇرىن بەكىتىلگەن جوسپارعا سايكەس اياگوز گارنيزونىنىڭ اسكەري بولىمدەرىنىڭ ءبىرى اسكەري دايارلىقتىڭ جوعارى دەڭگەيىنە كەلتىرىلدى. بارلىق تەحنيكا جۇمىس ىستەپ، ۋاقىتىندا شىقتى. تەحنيكا مەن اسكەري قىزمەتشىلەر ءوزىن مىقتى قىرىنان كورسەتتى. مارش بولمادى. تەحنيكالار قوسىمشا قارالىپ، ەكى ساعاتتان كەيىن تۇراقتى ديسلوكاتسيا بەكەتىنە قايتارىلدى»، - دەپ حابارلايدى قورعانىس مينيسترلىگىنەن.
تەكسەرىس قارۋلى كۇشتەر قاتارىندا كوروناۆيرۋستىڭ تارالۋىنا قارسى تۇرۋ شارالارى اياسىندا وتكىزىلىپ، سوڭعى كەزەڭ رەتىندە قاراستىرىلعان.
«بۇگىنگى تاڭدا ق ر قارۋلى كۇشتەرىنىڭ باس شتابىنىڭ نۇسقاۋى بويىنشا تۇراقتى ديسلوكاتسيالارداعى بارلىق پۋنكتىڭ تەكسەرىسى توقتاتىلعان»، - دەدى مينيسترلىك.
قورعانىس مينيسترلىگى قارۋلى كۇشتەرىندە جىل سايىن جۇزگە تارتا اسكەري جاۋىنگەرلىك دايارلىق وتەتىنىن حابارلايدى.
اۆتور: ايان بەكەن ۇلى
