نۇر-سۇلتان مەن الماتىداعى بلوك-بەكەتتەرگە اسكەري قىزمەتشىلەر تارتىلادى
بۇل جونىندە قورعانىس مينيسترلىگىنە سىلتەمە جاساپ قازاقپارات حابارلايدى.
2020-جىلدىڭ 19-ناۋرىزىنان باستاپ ىشكى ىستەر مينيسترلىگى كارانتيندىك ايماقتارعا كىرىپ-شىعۋدىڭ شەكتەلۋىن ساقتاۋ ءۇشىن اتقارىلاتىن بىرلەسكەن قىزمەتتى ۇيىمداستىردى.
وتكەن تاۋلىكتە نۇر-سۇلتان قالاسىنىڭ اۋماعىنداعى بلوك-بەكەتتەردە قارۋلى كۇشتەر اسكەري قىزمەتشىلەرى اتقاراتىن قىزمەتتەردىڭ ۇيىمداستىرىلۋىن قورعانىس ءمينيسترى گەنەرال-مايور نۇرلان ەرمەكبايەۆ پەن ق ر ق ك باس شتابى باستىعى گەنەرال-مايور مۇرات بەكتانوۆ تەكسەردى.
تەكسەرۋ بارىسىندا اسكەري قىزمەتشىلەردىڭ مورالدىق-پسيحولوگيالىق جاعدايىنا كوڭىل ءبولۋ، ولاردىڭ بارلىق كەرەك-جاراقپەن قامتاماسىز ەتىلۋى، قىزمەت كەزىندەگى كەز-كەلگەن جاعدايدا ءوزىنىڭ ءىس-قيمىل ءتارتىبىن ءبىلۋى باستى نازارعا الىندى.
بۇرىن ايتىلعانداي، نىسانداردى دەزينفەكتسيالايتىن بولىمشەلەردەن باسقا قارۋلى كۇشتەردەن بلوك-بەكەتتەرىن كۇشەيتۋ ءۇشىن ءتيىستى دايىندىقتان وتكەن جانە وسىنداي ءىس-قيمىلدا تاجىريبەسى بار دەسانتتىق شابۋىل اسكەرلەرىنىڭ كەلىسىمشارت بويىنشا اسكەري قىزمەتشىلەرى، بىتىمگەرشىلىك پولكى جانە اسكەري پوليتسيا تارتىلادى.
