ۆيرۋس تۋرالى جالعان حابارلاما تاراتقان قوستانايلىق قوماقتى ايىپپۇل تولەۋى مۇمكىن - پوليتسيا

بۇعان دەيىن WhatsApp مەسسەندجەرىندە قارابالىق جانە دەنيسوۆ اۋداندارىندا كورونوۆيرۋس ينفەكسياسىمەن اۋىراتىن ناۋقاستار تۋرالى حابارلاما تاراعانىن جازعان بولاتىنبىز.

«قارابالىق اۋدانىنىڭ پوليتسياسى 36 جاستاعى جەرگىلىكتى تۇرعىنعا قاتىستى ق ر قىلمىستىق كودەكسىنىڭ 274-بابى، 2-بولىگى «بۇقارالىق اقپارات قۇرالدارىن پايدالانا وتىرىپ كورىنەۋ جالعان اقپارات تاراتۋ» بويىنشا سوتقا دەيىنگى تەرگەۋدى باستادى. ول الەۋمەتتىك جەلىدە ءبىر وتباسىنىڭ گەرمانيادان كەلىپ، قارابالىق اۋداندىق اۋرۋحاناسىنا جاتقىزىلعانىن جازعان»، - دەدى وبلىستىق پوليتسيا دەپارتامەنتىنىڭ باسپا ءسوز قىزمەتىندەگىلەر.

قارابالىق اۋدانىنىڭ پوليتسيا ءبولىمىنىڭ باستىعى نۇرجان احمەتوۆ حالىقتى رەسمي اقپاراتقا جۇگىنۋگە شاقىرادى جانە جالعان حابارلامالار ءۇشىن جاۋاپكەرشىلىك قاراستىرىلعانىن ەسكەرتەدى.

اتالمىش باپتا بويىنشا 5000 ا ە ك دەيىن ايىپپۇل، 2 جىلدان 5 جىلعا دەيىن باس بوستاندىعىنان ايىرۋ جازاسى بەلگىلەنگەن.