نۇرتورە ءجۇسىپ: قاسىم-جومارت توقايەۆ بيلىك ساباقتاستىعىن قامتاماسىز ەتىپ، ەلگە جاڭا سەرپىن اكەلدى

قوعاممەن اشىق ديالوگقا دەن قويدى. پىكىرلەر سانالۋاندىعىنا نەگىزدەلگەن مەملەكەتتىك دامۋدىڭ جاڭا باعىتىن قالىپتاستىرۋعا كۇش سالدى.

مۇنداي پىكىردى ق ر پارلامەنتى سەناتىنىڭ دەپۋتاتى نۇرتورە ءجۇسىپ ءبىلدىردى، دەپ حابارلايدى قازاقپارات ءتىلشىسى.

«تاۋەلسىزدىك تۇراقتىلىق پەن تىنىشتىققا ارقاي سۇيەيدى. ەلىمىزدىڭ دامۋى وسى ەكى تەتىككە تىكەلەي بايلانىستى. تۋرا ءبىر جىل بۇرىن نۇرسۇلتان نازاربايەۆ ءوز وكىلەتتىگىن توقتاتۋ تۋرالى شەشىم قابىلدادى. قازاقستاننىڭ تۇڭعىش پرەزيدەنتى - ەلباسى رەسپۋبليكالىق تەلەارنالاردا تىكەلەي ەفير ارقىلى حالىققا وتە ماڭىزدى ۇندەۋ جاساپ، 30 جىلدىق باسقارۋ قىزمەتىن قورىتىندىلادى»، - دەدى سەناتور.

وسى رەتتە نۇرتورە ءجۇسىپ ق ر تۇڭعىش پرەزيدەنتى نۇرسۇلتان نازاربايەۆتىڭ: «مەن قازاقستان رەسپۋبليكاسىنىڭ پرەزيدەنتى رەتىندەگى وكىلەتتىگىمدى توقتاتۋ جونىندە شەشىم قابىلدادىم. بۇل - وڭاي شەشىم ەمەس. بيىل ەلىمىزدىڭ ەڭ جوعارى لاۋازىمىنداعى قىزمەتىمدى اتقارىپ كەلە جاتقانىما 30 جىل تولادى. حالقىم ماعان تاۋەلسىز قازاقستاننىڭ تۇڭعىش پرەزيدەنتى بولۋ مۇمكىندىگىن بەردى. كەڭەس يمپەرياسى قۇلاعان ساتتە ءبىزدىڭ ساياساتىمىز بەن ەكونوميكامىز قۇلدىراپ قالدى. ەل ىشىندە قوبالجۋ مەن تۇسىنىكسىز جاعداي ورىن الدى. ىشكى جالپى ءونىم ەكى ەسە قىسقاردى، ازىق-تۇلىك پەن حالىق تۇتىناتىن تاۋارلاردىڭ تاپشىلىعى ايقىن سەزىلدى. ءبىر مەزەتتە ءىرى زاۋىتتاردىڭ ءبارى توقتاپ قالدى. دۇنيە توڭكەرىلىپ كەتكەندەي كورىندى. بۇل سىناق بولاتىن. ءبىز ودان سۇرىنبەي ءوتىپ، دامۋدىڭ قازاقستاندىق جولىن سالۋعا بەلسەنە كىرىسىپ كەتتىك. ءبىزدىڭ ءۇش تۇعىرلى مىندەتىمىز - نارىقتىق ەكونوميكا قۇرۋ، توتاليتارلىق يدەولوگيالىق جۇيەنى بۇزۋ جانە قوعامنىڭ بارلىق ينستيتۋتتارىن جاڭعىرتۋ بولدى. ءبىز مۇنى زاماناۋي دەموكراتيالىق مەملەكەت - قازاقستان رەسپۋبليكاسىن قۇرۋ ءۇشىن جاسادىق»، - دەگەن سوزىنە نازار اۋدارتادى.

«ەلباسى ەڭ قيىن شاقتا ەل دامۋىن ايقىنداپ، ستراتەگيالىق تۇرعىدا وتە دۇرىس تاڭداۋ جاسادى. ەلگە سىرتتاعى قانداستارىمىزدى شاقىرىپ، ولارعا ۇلكەن قولداۋ كورسەتتى. سارىارقانىڭ توسىنەن جاڭا قالا تۇرعىزدى. ەلورداسى مەن ەل شەكاراسىن مىقتاپ، تاۋەلسىزدىككە قورعان بولار بارلىق قاجەتتى شارانى جاسادى. ءتۇرلى سىن-قاتەر، قاۋىپتىڭ الدىن الۋعا ۇمتىلدى. ەڭ باستىسى - ەلباسى ەلمەن بىرگە بولدى. جاڭا باستامالارعا جەتەلەدى. ەلباسى قازاقستاننىڭ دامۋ جولىن دەر كەزىندە ايقىندادى. بۇل - دەموكراتيا مەن نارىق جولى بولاتىن. سونىڭ ارقاسىندا ەلىمىزدە ءبىرقاتار ەكونوميكالىق- الەۋمەتتىك رەفورمالار جەدەل جۇزەگە اسىرىلدى. ەكونوميكادا 15 ەسە، ال حالىقتىڭ تابىسى 9 ەسە (دوللارمەن ەسەپتەگەندە) ارتتى. كەدەيشىلىك دەڭگەيى 10 ەسەگە جۋىق قىسقاردى. بۇل وڭايلىققا تۇسكەن جوق. ەلدەگى وزگەرىستەردىڭ ءبارى كوز الدىمىزدا ءجۇرىپ جاتىر. دۇكەن سورەلەرى جىلان جالاعانداي بوس قالعان كەزدى دە كورگەنبىز.

«تاۋەلسىز قازاقستان مەملەكەتىنىڭ نەگىزىن قالاۋشى رەتىندەگى الداعى مىندەتىم - باسشىلاردىڭ جاڭا بۋىنىنىڭ بيلىككە كەلۋىن قامتاماسىز ەتۋ. ولار ەلىمىزدى جاڭعىرتۋ پروتسەستەرىن جالعاستىراتىن بولادى»، - دەگەن ەدى ەلباسى.

قازاقستانداعى بيلىك اۋىسۋ ءۇردىسى زاڭ شەڭبەرىندە ءوتتى. مەملەكەت باسشىسىنىڭ ۋاقىتشا مىندەتىن اتقارۋ پارلامەنت سەناتىنىڭ ءتوراعاسى قاسىم-جومارت توقايەۆقا جۇكتەلدى.

بۇكىل حالىقتىق سايلاۋدا قاسىم-جومارت كەمەل ۇلى توقايەۆ باسىم داۋىسپەن پرەزيدەنت بولىپ سايلاندى»، - دەدى ول.

سەناتور «نۇر وتان» پارتياسىنىڭ سەزىندە ەلباسى توقايەۆقا ۇلكەن سەنىم ارتاتىنىن مالىمدەگەنىن، «ول قازاقستان تاۋەلسىزدىگىنىڭ العاشقى كۇندەرىنەن باستاپ مەنىمەن بىرگە جۇمىس ىستەپ كەلەدى. مەن ونى جاقسى بىلەمىن. ول - ادال ءارى جاۋاپكەرشىلىگى جوعارى ازامات. ەلىمىزدىڭ ىشكى جانە سىرتقى ساياساتىن جان-جاقتى سەزىنەدى. ول بارلىق باعدارلامالاردى ازىرلەۋگە جانە قابىلداۋعا اتسالىستى. قاسىم-جومارت كەمەل ۇلى قازاقستاندى باسقارۋعا ناعىز لايىقتى ازامات دەپ سەنەمىن»، دەگەن ءسوزىن ەسكە سالادى.

«قاسىم-جومارت توقايەۆ بيلىك ساباقتاستىعىن قامتاماسىز ەتە ءبىلدى. ەۆوليۋتسيالىق دامۋدى جالعاستىرا وتىرىپ، ەلگە جاڭا سەرپىن اكەلدى. قوعاممەن اشىق ديالوگقا دەن قويدى. پىكىرلەر سانالۋاندىعىنا نەگىزدەلگەن مەملەكەتتىك دامۋدىڭ جاڭا باعىتىن قالىپتاستىرۋعا كۇش سالدى.

«ءار الۋان پىكىر - ءبىرتۇتاس ۇلت»، «كۇشتى پرەزيدەنت - ىقپالدى پارلامەنت، ەسەپ بەرەتىن ۇكىمەت» دەگەن جاڭا باعدار قولعا الىندى»، - دەدى نۇرتورە ءجۇسىپ.

ونىڭ پايىمىنشا، قازاقستان پرەزيدەنتى قاسىم-جومارت توقايەۆ جاڭا قىزمەتىندە ءوزىن تاباندى ساياساتكەر ەكەنىن كورسەتتى.

مەملەكەت باسشىسى رەتىندە اشىقتىق ساياساتىن ۇستاندى. الەۋمەتتىك جەلىلەردىڭ بەلسەندى قولدانۋشىسى بولا وتىرىپ، ەلىمىزدە بولعان كەز كەلگەن وزەكتى وقيعاعا جەدەل باعا بەردى. ءتۇرلى الەۋمەتتىك توپتاردىڭ وكىلدەرىمەن بەتپە-بەت كەزدەسىپ، وزەكتى ماسەلەلەردى اشىق تالقىلاپ كەلەدى.

«حالىق ۇنىنە قۇلاق اساتىن مەملەكەت» قاعيداتىن جاريالادى. بۇل مەملەكەت باسشىسىنا دەگەن ەلدىڭ سەنىمى مەن قۇرمەتىن وياتتى. ەلدە ءورشي تۇسكەن جىنىستىق زورلىق-زومبىلىق، مال ۇرلىعى، ەسىرتكى تاراتۋ، ماس كۇيدە كولىك جۇرگىزۋ، براكونەرلىك جانە قورىقشىلاردىڭ ومىرىنە قول سۇعۋشىلىق سياقتى وتكىر ماسەلەلەر ءۇشىن قىلمىستىق جاۋاپكەرشىلىكتى قاتاڭداتۋدى كوزدەيتىن شارالاردىڭ تۇتاس كەشەنىن بەلگىلەدى.

حالىق بۇل شەشىمدەردى قولدادى. پرەزيدەنتتىڭ ۇلتتىق قوعامدىق سەنىم كەڭەسىن قۇرۋى دا ماڭىزدى قادام بولدى. بيلىك ساباقتاستىعى سىندارلى سيپات الدى. مەملەكەتتىڭ تۇراقتىلىعى ساقتالدى. بۇل - ەل دامۋىنداعى ەرەكشە ماسەلە»، - دەپ تۇيىندەدى ءسوزىن سەنات دەپۋتاتى.