كارانتين: كومپيۋتەرى مەن ينتەرنەتى جوق ستۋدەنتتەر قاشىقتان قالاي وقيدى
الماتى. قازاقپارات - الماتى قالالىق ءبىلىم باسقارماسى باسشىسىنىڭ ورىنباسارى گۇلنار ايتقۇلوۆا ينتەرنەتى مەن كومپيۋتەرى جوق ستۋدەنتتەر قاشىقتان قالاي وقيتىنىن ءتۇسىندىردى، دەپ حابارلايدى قازاقپارات ءتىلشىسى.
«بىزدە 8 كوللەدجدىڭ 108 ستۋدەنتىندە سمارتفون جوق. ستۋدەنتتەر قاشىقتان وقۋعا جىبەرىلەر كەزدە وقىتۋشىلار ولارعا ارنايى ماتەريالدار تاراتقان. ولار «قازپوشتا» ارقىلى جانە باسقا دا جولدارمەن ۇستازدارمەن بايلانىستا وتىر» ، - دەدى ول. گ. ايتقۇلوۆانىڭ ايتۋىنشا، پەداگوگتار ءبىلىم بەرۋدى ۇيلەرىنەن جۇرگىزىپ وتىر.
«مەنىڭ ويىمشا، بارلىق وقىتۋشىدا نوۋتبۋك پەن سمارتفون بار. قازىر ءبىلىم باسقارماسى وقىتۋشىلاردىڭ قولىنداعى تەحنيكا سانىن باقىلاۋعا الدى» ، - دەدى باسقارما باسشىسىنىڭ ورىنباسارى. وسى ۋاقىتقا دەيىن قازاقستاندا كوروناۆيرۋسكە شالدىققان 35 ادام انىقتالدى. ونىڭ ىشىندە 17 جاعداي - الماتىدا، 18 فاكتى - نۇر- سۇلتاندا تىركەلىپ وتىر.
