دياس احمەتشارىپ كوروناۆيرۋس جۇقتىرعان ادامداردى ۇيدەن الىپ كەتۋ جاعدايلارىن ءتۇسىندىردى

«1A « ساناتى جاتقىزىلعان ەلدەن ۇشىپ كەلگەن ادامدار ۇشاقتان تۇسكەن بەتتەن بىردەن ستاتسيونارلىق كارانتينگە جەتكىزىلەدى. وعان ارنايى ماماندارىمىز بار، بىردەن ۇشاقتان اۆتوبۋسپەن اۋرۋحاناعا اپارادى.

ال 1 «ب» ساناتىنان كەلگەن قازاقستاندىقتار ۇيدە وقشاۋلانۋى كەرەك. ولار كوپ جاعدايدا ۇيدە وقشاۋلانبايدى. ءبىز ولاردى تارتىپكە شاقىرىپ وتىرمىز، ۇيدە جاتۋى كەرەك»، - دەدى رەسمي وكىل «قازاقستان» تەلەارناسىنداعى «Ashyq alań» باعدارلاماسىندا. وسى رەتتە دياس احمەتشارىپ كوروناۆيرۋس جۇقتىرعان ادامداردى ۇيدەن الىپ كەتۋ جاعدايلارىن ءتۇسىندىرىپ بەردى. 1 «ب» ساناتىنان كەلگەن ءبىر ادامنان ۆيرۋس تابىلدى. ونىمەن جاقىن قارىم- قاتىناستا بولعان ازاماتتاردى انىقتادىق. ولار ۇيلەرىندە. ءبىز ەندى ولاردى ستاتسيونارعا اكەلىپ جاتقىزۋىمىز كەرەك. ويتكەنى، ۆيرۋس جۇقتىرىپ الۋى مۇمكىن. كوپ جاعدايدا ولار ء«بىز اۋىرعان جوقپىز، جاعدايىمىز جاقسى. دەنە قىزۋىم، جوتەل جوق« دەپ بارماي قويادى.

ءبىراق، ءبىز تەكسەرۋگە مىندەتتەمىز. كوروناۆيرۋس ادام بويىنان 14 كۇننىڭ ىشىندە بەلگىلى بولادى. وسى ۋاقىتتىڭ ىشىندە بەلگىسى بولماسا، وندا ۆيرۋس جوق دەگەن ءسوز. ول 10-كۇندە شىعۋى مۇمكىن. بۇگىن انىقتالعان 1998 -جىلعى قىزدان ۆيرۋس بەلگىسى 7 كۇننەن كەيىن انىقتالىپ وتىر. 10 ى كۇنى ۇشىپ كەلدى، امان-ەسەن ءجۇردى. قاسىنداعىلاردىڭ ءبارىن تاپتىق. وسى 7 كۇن بويى تۋىستارىنىڭ ۇيىندە بولعان ەكەن. ءبارىن كارانتينگە جاپتىق»، دەدى ول.

اۆتور: مارلان جيەمباي