جولاۋشىلار بيلەتىنىڭ اقشاسى تولىق كولەمدە قايتارىلادى – ق ت ج
«ەلىمىزدەگى توتەنشە جاعدايعا بايلانىستى بۇگىن كاسسالاردا بيلەت قۇنىن قايتارۋ بويىنشا جۇكتەمە ايرىقشا جوعارى بولدى. قايتارىلعان بيلەتتەردىڭ اقشاسى ءتولىق كولەمدە، ەشقانداي ايىپپۇل ۇستالماي بەرىلەدى. بارلىق كاسسا تاۋلىك بويى كۇشەيتىلگەن رەجىمدە جۇمىس ىستەۋدە»، - دەيدى «جولاۋشىلار تاسىمالى» ا ق ماركەتينگ جانە ساتۋ دەپارتامەنتىنىڭ ديرەكتورى الماس ايتبايەۆ.
ونىڭ ايتۋىنشا، قوعامدىق ورىندا ادامدار كوپ جينالىپ قالماس ءۇشىن جولاۋشىلار تۇسىنىستىك تانىتىپ، بيلەت اقشاسىن قايتارىپ الۋعا كەيىنىرەك – 6 اي ىشىندە كەلۋىنە بولادى.
«كەزەكتە تۇرعان ادامدار وتە كوپ بولعاندىقتان، كەيبىر كاسسالاردا عانا قاجەتتى كولەمدە قولما قول اقشا تاپشىلىعى بولدى. ال جالپى العاندا كاسسالار قاراجاتپەن تولىق قامتاماسىز ەتىلگەن. كوروناۆيرۋستىڭ تارالۋ ءقاۋپىن ازايتۋ ماقساتىندا قايتارىلعان بيلەتتىڭ اقشاسىن التى اي كولەمى ىشىندە وزىڭىزگە ىڭعايلى كەز كەلگەن ۋاقىتتا كەلىپ الۋدى ۇسىنامىز» - دەيدى ول.
اۆتور: زارينا قاھارمان
