كوروناۆيرۋس: وزبەكستاندىقتار شەتەلدىكتەردىڭ ۆيزاسىنىڭ مەرزىمىن ۇزارتىپ جاتىر
تاشكەنت. قازاقپارات - وزبەكستاندا جۇرگەن شەتەل ازاماتتارىنىڭ ۆيزالارى اۆتوماتتى تۇردە ۇزارتىلۋدا، دەپ حابارلايدى قازاقپارات ءتىلشىسى وزبەكستاننىڭ سىرتقى ىستەر مينيسترلىگىنىڭ باسپا ءسوز قىزمەتىنە سىلتەمە جاساپ.
اتاپ ايتقاندا، COVID-19 ۆيرۋسىنىڭ تاراۋىنا بايلانىستى ەنگىزىلگەن شەكتەۋلەرگە بايلانىستى وزبەكستاندا ارنايى رەسپۋبليكالىق كوميسسيا وسىعان دەيىن وزبەكستاندا جۇرگەن شەتەلدىكتەرگە بەرىلىپ، ولار ءوز ەلدەرىنە قايتا الماي قالعان جاعدايدا ۆيزانىڭ مەرزىمىن 2020-جىلدىڭ 10- ساۋىرىنە دەيىن اۆتوماتتى تۇردە ۇزارتۋ جونىندە شەشىم قابىلدادى.
بۇعان قوسا وزبەكستاندا وسى ەلگە ۆيزاسىز كىرە الاتىن ازاماتتارعا 2020-جىلدىڭ 10- ساۋىرىنە دەيىن بولۋعا رۇقسات ەتىلدى. سايكەسىنشە، وسى ساناتتاعى شەتەل ازاماتتارىنا اكىمشىلىك شارالار قولدانىلمايدى.
