مەديتسينالىق ماسكالاردى الىپ- ساتۋمەن اينالىسقاندارعا قاتاڭ جازا بەلگىلەنەدى
«بۇگىن مەملەكەتتىك كوميسسيا ماسكا الىپساتارلىعىنا جاۋاپكەرشىلىكتى قاتاڭداتۋ تۋرالى شەشىم قابىلدادى، ونىڭ ىشىندە ينتەرنەت ارقىلى ساتقانى ءۇشىن دە. قازىرگى ۋاقىتتا ولاردى انىقتاۋ (ماسكا الىپساتارلارىن) جۇمىستارى جۇرگىزىلىپ جاتىر. تاياۋ كۇندەرى تىركەيمىز دەپ ويلايمىن. سەبەبى كوميسسيادا ومىرلىك ماڭىزى بار تاۋارلاردىڭ شەكتى باعاسىن بەلگىلەۋ قۇزىرەتى بار. دۇربەلەڭ بولماۋى ءۇشىن قارا نارىقتا ەكى ەسە قىمبات تۇراتىن ماسكالاردى ءوز قۇنىنان تومەن باعاعا ساتۋعا ماجبۇرلەي المايمىز. سوندىقتان ءبىز ءبىرىڭعاي ءادىل باعا بەلگىلەيمىز. ءبىراق، كەز كەلگەن الىپساتارلىق قاتاڭ جازالانادى، ۇلكەن ايىپپۇلدان باستاپ قىلمىستىق جاۋاپكەرشىلىككە دەيىن بار. ءبىز مۇنداي ۇسىنىستى ەنگىزدىك. قازىرگى ۋاقىتتا ۇكىمەت مۇنى زاڭگەرلەرمەن بىرلەسىپ قاراستىرىپ جاتىر»، - دەدى ەلجان ءبىرتانوۆ.
ونىڭ اتاپ وتۋىنشە، مۇنداي شارالاردى الەمنىڭ كوپتەگەن ەلدەرى ەنگىزگەن. «بۇل شارالار بىزگە دە قاجەت. مۇنى ءبىزدىڭ ازاماتتارىمىز تۇسىنەدى دەپ ويلايمىن»، - دەدى مينيستر.
بۇعان دەيىن ەلجان ءبىرتانوۆ ەلىمىزدە مەديتسينالىق ماسكا شىعاراتىن زاۋىتتاردىڭ جۇمىسى مەملەكەت تاراپىنا باقىلاۋعا الىناتىندىعىن ايتقان ەدى.
